الاثنين، أغسطس 08، 2011

على فكرة .. انتى عسولة قوى يا دعاء




 حلوة قوى الجملة دى ...
بستطنى قوى النهاردة لما سمعتها من بنوته جديده جايا تعمل تدريب عندنا فى الشغل، اظاهر كده ان الناس مش بتعاملها كويس قوى او يمكن ما حدش بيتكلم معاها اصلا .. مش عارفه!!
اللى أعرفه ان وانا معديه قدامها سألتنى على حاجه فوقفت اتكلم معاها واشرحالها براحة
كانوا كلمتين صغيرين بس فى نهايه الحوار لقتها بتقولى
على فكرة  .. انتى عسولة قوى يا دعاء
قلتلها ربنا يخليكي .. وانا مكسوفه قوى
قالتلى لا والله انتى عسولة قوى :$:$


انا اول مرة اشفها كانت النهاردة .. واول مرة نتكلم 
ما عملتش معاها حاجه زيادة عن اللى بعمله مع غيرها ..

هى انا برخمتى وغلاستى وهزارى المعتاد .. دعاء يعني مش حد تانى


بس كلمتها عدت من على ودانى ودخلت قلبى على طول
اصله الواحد مننا اكيد بيفرح قوى " فرحه العيل الصغيربلبس العيد" لما حد يقول فيه كلمتين حلوين

هو صحيح انا مش مستنيه حد يقول فيا اى حاجه ..
يعني ما اتعودتش استنى لانى لو استنيت ممكن استنى كتير وكتر الانتظار يجبلى  احباط وماحدش يقول بم حتى يجبر بيها خاطرى
بس لما بتيجي الكلمة الحلوة فجأة كده ولوحدها من غير ما اكون مستنيها "على حين غره يعني"  بفرح قوى بيها .. وبيبقى فعلا ليها طعم حلو

هناك 3 تعليقات:

بنـوتــــة يقول...

علشان انتي فعلاً عسولة و سكرة و تستاهلي كل خير يا دودو
:-*

Karim يقول...
أزال المؤلف هذا التعليق.
Karim يقول...

انتي فعلا تستهلي كل خير يا دعاء. طيبة و فلبك ابيض و ضحكتك كده بريئة و عسولة بردو :)