السبت، ديسمبر 26، 2009

أحلام لم تكتمل



قد تبدو فى بعض اللحظات مجرد خيالات واطياف اوهام امر بها، لكن سرعان ما ادرك ان كل ما رايته هو حقيقة وواقع وليس مجرد احلام يقظه اراها وانا اجاهد لكى احفظ تلك القطعه من أجل الامتحان او وانا اتناول فنجان القهوة فى الصباح، انها حقا حياه كامله متكامله بها اشخاص وبشر يعيشون ويتحدثون ويتالمون ويتعايشون تماما مثلما افعل انا ومثلما يفعل كل من حولنا.

تبدو احيانا ومضات خاطفه لاحلام كثيره لم تكتمل، كانت فى يوم من الايام امل، فتحولت الى رجاء ثم اختفت تدريجا لتصبح سرابا، واليوم تتحول لتصبح ذكرى، وليست كل الذكريات سعيده كما ان ليس كلها مؤلم .. لا ادرى ربما هى حياه اشبه بموج البحر او امطار السماء، فلا بحر بدون امواج، وكذلك لا سماء بدون أمطار.

أمواج البحرتاتى من بعيد متامله الشاطئ كانه الجنه، تقترب منه فترى رماله الساخنه فينتابها بعضا من الخوف لكنها تستمر فى تقدمها، حتى تصل الى الشاطئ وتتبعثر على رماله وتنتهى ولا يعود منها شيئا، او ربما كانت حياه كامطار السماء، نشتاق لها وننتظرها فى كل شتاء، وحين تغمرنا بشدة نجرى ونختبئ منها تحت المظلات والأغطيه والابنيه، ونتمنى ان تنتهى سريعا لننعم بحياتنا الجافه النشيطه مره اخرى.

حين اقف على عتبه المنزل كل صباح افكر جيدا، ماذا ساضيف لذاتى تلك التى تخرج من الباب حين تعود الى نفس الباب فى المساء، فانا اكره ان اعود اليه كما تركته، واكره ان اتركه فلا اعود اليه بشيء جديد، فاظل ابحث بعينى طوال الوقت عن ذلك الشيء الذى سأضيفه.

اتذكر الطفله ذات الاعوام الاربع واحلامها الصغيره بقضاء العيد مع والدها فى اى مكان تلعب وتمرح معه، واحلام فتاه المراهقه التى كانت تكتب بعضا مما اختلج بصدرها من مشاعر واحاسيس لابطال لم يوجدوا يوما فى حياتها، وكلها احلام لم تكتمل ، فلا الوالد يسمح له وقته بنزهه فى العيد ولا كتابات المراهقه اوجدت الحبيب.

فانظر حولى فارى طفل صغير يجرى بطائرة ورقيه على شاطئ البحر، ينظر لها باعجاب وخيلاء، فهى من صنع يده، وحين تحادثه عنها يخبرك انه حين يكبر سيقود طائره كبيره كتلك التى يسافر فيها والده، واليوم حين رايته ، رايته ذلك الصبى الوسيم المجتهد فى عمله، وقد طارت طائرته بعيدا ولم يبقى منها سوى هيكل معدنى يضعه فوق احد الارفف فى حجرته.

وهذه الجميله التى كانت تقف امام المرآه بالساعات لتقلد اداء ممثلاتها وراقصاتها المفضلات، كانت تخبرنى دوما انها ستصبح فنانه عظيمه يلمع صيتها من اقصى البلاد لأقصاها وربما تعداها لخارجها معتمده على موهبتها الحقيقية، تحادثنى الان وهى تصرخ بين اطفال كثيره، ليصمت هذا أو ليدرس هذا لتشكو هى قليلا من والد هؤلاء.

فكم من حلم مر بخيالى اليوم؟، لا أدرى فهم كُثر، ولو اضفت لهم احلام الامس والاسبوع الفائت والسنه الماضية، واحلام العمر الماضى كله، لوجدت المحصله عدد فلكى من الاحلام والامنيات التى تمنيتها، عدد لا حصر له، لكن حين افكر فى عدد الاحلام التى اكتملت وتحققت وتعدت مرحله كونها حلم فى راسى الى واقع وحياة كتلك التى نحياها، اشعر بنوع من الخجل امام نفسى، فكيف على اتساع احلامى وكثرتها لم يكتمل منها شيء، اى شيء...!

فتعجبت اننى مازلت متذكرة احلام طفولتى وصبايا، تلك التى لم تتحقق ولم ترى الحياة، ترى هل حلاوه الاحلام فى عدم تحققها، ام تراها اذا تحققت سميت باى شئ اخر غير كونها أحلام؟؟

الحلقه الثانيه: فى دنيا الفيس بوك بطوله دعاء جميل ورغده صالح

شغل تيك آواى
=========






انا الفراشة فيرى طبعا عرفتونى وانهاردة رغدة ودعاء محتارين عالاخر فى موضوع شاغل بالهم ايه ده دول بيتكلموا تعالوا نسمع بيقولوا ايه




* دعاء: إزيك يا رغده عامله ايه؟

* رغدة:اه دعاء ازيك ايه الاخبار؟

* دعاء:تمام الحمد لله، عملتى ايه فى الشغلانه اللى قلتيلى عليها؟

* رغدة: شغلانة ايه؟

* دعاء:مش قلتيلى جاتلك شغلانه فى حضانه أطفال؟؟

* رغدة:ههههههههههه اها رفضتها طبعا يابنتى انا تخصصى بيولوجى مش حضانة اطفال قسم دادات

* دعاء:يعنى عجباكى اووى قعده البيت دى، انا لو منك اوافق طبعا اهى بدايه برضه اشوف منها الدنيا

* رغدة:لا طبعا مش عجبانى قعدة البيت بس انا عاوزة اشتغل فى تخصصى يعنى عجباكى اللخبطة اللى حاصلة فى المجتمع دى؟ خريج هندسة بيشتغل دليفرى وخريجى التجارة والاداب بقوا بيشتغلوا نقاشين وبياعين واهى ماشية بالذمة مش حاجة تقطع القلب؟

* دعاء:لا هو مش عاجبنى بصراحه وان كان عليا انا نفسى كل واحد يشتغل فى تخصصه، بس نعمل ايه يعنى يا رغده، ادى الله وادى حكمته، الواحد لو يلاقى اى حاجه يشتغلها احسن بكتير من قعده القهاوى والفيس بوك ليل نهار،
وبرضه يحاول وهو بيشتغل انه يلاقى حاجه فى تخصصه يعنى، علشان ما يبقاش بس بيضيع وقت،، بلاش نشوفيه دماغ

* رغدة:مش نشوفية دماغ طاب مابدل ما يقعد عالقهوة زى ماانتى بتقولى يحاول يطور من نفسه وياخد كورسات تساعده فى تلبية متطلبات سوق العمل مش يشتغل شغلانة اقل من امكانياته ده هيأثر على حالته النفسية

* دعاء:مش الكورسات دى بفلوس برضه ولا هيوزعوها فى الجمعيه يعنى ؟؟
وبعدين هو انتى لما تشتغل وتاخدى فلوس تساعدى بيها فى دراستك ورسم مستقبلك يبقى كده حالتك النفسية هتبقى وحشه

* رغدة:بصى يا دعاء انا اللى اعرفه ان نوابغ المجتمع اذا لم يحتويهم المجتمع انقلبوا ضده بصى انا عارفة انى مش هأعرف اقنعك زى كل مرة طاب ما تيجى نسأل الناس؟

* دعاء:تعالى .. يهمنى اوى فعلا اعرف رايهم فى الحكايه دى



انا دماغى وجعتنى اقعدوا انتوا اتناقشوا واعملوا الحلقات وانا عليا بالريفو
بصراحة مش عارفة ابقى مع رأى دعاء ولا مع رأى رغدة انتوا مع ميييييييييين؟

الثلاثاء، ديسمبر 22، 2009

دعاء جميل: "منك للهوا" جروب على الفيس بوك تحول الى مجلة شبابية. (جريدة القاهرة .. عدد النهاردة)








4 better resolution

http://www.flickr.com/photos/45789140@N05/4207092250/sizes/o/


فى جريدة القاهرة عدد 22/12/2009

***********************************





"منك للهوا" تجربة شبابية جديدة على طريق المجلات الألكترونية،والتى تتكون من مجموعة من الأبواب أهمها " أدى دنيتنا، كلام مبارك، ورقة وقلم، ديننا حياتنا، باب الرياضة، أنا المهرج، خليك أيجابى"، تبنى فكرتها مجموعة من الشباب من خلال تحويل فكرة جروب على الفيس بوك الى مجلة، وكان أول من تحمس لهذة الفكرة دعاء جميل وهى التى أنشأت الجروب، وهذة ليست التجربة الأولى لها فى الكتابة فهى تكتب أيضا فى مجلة كلمتنا الشبابية، واليوم تحلم حلما شاركها فيه بعضا من الشباب الموهوب تجسد فى "منك للهوا".

عن "منك للهوا" وفكرتها وما تقدمه كان حوارنا مع دعاء جميل فى السطور القادمة...




فى البداية حديثنا عن تجربة منك للهوا ...

منك للهوا هى فكرة مجلة شبابية تعبر عن أشياء كثيرة بداخلنا نحن الشباب، بدأت الفكرة من خلال الجروب الذى أنشأته على الفيس بوك من 10 شهور تقريبا وكان أسمه "عبر عن نفسك"، والذى من خلاله نستطيع أن نعبر عن مشاعرنا وأرائنا وأفكارنا بمنتهى الحرية، وفضلنا أن نترجم تلك الحرية من خلال مجلة والتى من خلالها نستطيع أن نوصل أصواتنا الى عدد أكبر من الناس، وهى من الألف للياء عبارة عن عمل جماعى، بدأ بحلم نؤمن به تحول الى هدف الى أن تحقق.

الأعداد للمجلة أخذ منكم حوالى شهرين تقريبا الا ترى أنها مدة طويلة نسبيا؟


هذا يرجع الى سببين أولهما أن شهر منهم كان شهر رمضان والسبب الثانى يرجع الى أن العمل فى المجلة عمل تطوعى بحت وبالتالى يأخذ وقت أطول نسبيا على حسب مواعيد القائمين عليه وظروف كل فرد منهم، لكن فى النهاية الحمد لله ظهر بشكل مشرف جدااا.

بدأتى المجلة بعدد كبير من الأبواب والذى أبعدها نوعا ما عن التخصص الا لكونها مجلة شبابية؟

تعدد الأبواب يرجع فقط الى أننا أردنا أن نقدم للشباب كل ما يتعلق بهم وليس أكثر.

خرجت المجلة فى شكل Pdf نشر على عدة مواقع للتحميل كان أهمها الفيس بوك، متى سنقرأها على موقع خاص بها على الأنترنت؟

قريبا بأذن الله ... نحن كفريق عمل ندرس الفكرة الأن، لكننا راضيين عنها الأن فى هذة الصورة وهذا يرجع الى أن ال Pdf يتيح لنا القرب قدر المستطاع من شكل المجلة الورقية أكثر، لكننا سنحاول أصدارها قريبا على موقع ألكترونى خاص بها قريبا للتسهيل على القارئ، ولاحظى أن العدد الموجود الأن هو عدد تجريبى و أن شاء الله العدد الأول سيصدر فى يناير القادم.

عندما قرأت أسم المجلة لأول مرة توقعت أنها مجلة نسائية وليست شبابية للجنسين، فماذا تقصدين بــ "منك للهوا"؟

منك للهوا تعنى المعنى الحرفى للكلمة .. فهى مجلة لا تضع حدود أو حواجز، نكتب بها ونعبر عما بداخلنا ونخرج ما بداخلنا من أفكار بحرية.

شعرت عند قرأتى للمجلة وكأنها مجلتين فى واحد بأضافة الباب المحرر باللغة الأنجليزية، من وجهة نظرك ما الذى أضافة هذا الباب؟

كما ذكرت فى البداية فكرة المجلة ظهرت من خلال جروب "عبر عن نفسك"، وقد كنا نعبر عن أنفسنا فى الجروب بأى لغة، بمعنى أن يكتب كل مشترك باللغة الأسهل له والتى يستطيع من خلالها التعبير عن نفسه بشكل أفضل وبالتالى هذا أنتقل تلقائيا بتحويلنا الجروب الى مجلة.


*****************************











لينك جروب "عبر عن نفسك" على الفيس بوك


لينك جروب " مجله منك للهوا" على الفيس بوك

وداعا لتلك القيود



ما أجمل التحرر من القيود والقوانين والتخلى قليلا او كثيرا عن موازين العقل والعقلاء وكل ما يربط الانسان باى شئ، ما اجمل التحرر للحظات من الاحجار التى تربط اقدامنا وتبيقينا على الارض دون ارادتنا.
لحظة يُفتح فيها القلب والجسد والروح والوجدان، ليتخلصوا من آلامهم ببعض الرقص، فيدوى صوت الموسيقى عاليا فى الاذن وكانها طبول الحرب معلنه وصول جيش العدو واعلان التاهب لبداية المعركة، لكنها معركه بلا جيوش هذه المرة وبلا دماء ولا قتلى، انها معركة مع الآلام وقيود البشر والزمان، فيدوى صوت الموسيقى بانتظام، فلا تحيد ايه آله عن اللحن الخاص بها، كل اله تعزف وحدها ولكن عندما تستمع اليهم معا تجد ذلك التناغم الغريب، تناغم مرتبط بقيود السلم الموسيقى، فتتمنى للحظة ان تستمع الى بعض الموسيقى الغير متسقه حتى تخرج عن القيود مرة ثانيه.
تصدر آلات الايقاع ذلك الصغب، ومع كل ايقاع يخرج منها تشعر كان شئ يخرج من داخلك، شئ ما ينتفض ويهتز، كانه سجين يهز قضبان سجنه مناديا على سجانه، متسائلا فى دهشه عن سبب وجوده فى هذا المكان.
ادور وادور فى دائرة صغيره جدا، حافيه القدمين وملمس الارض ساقع تحت قدمى فى هذا الشتاء، لأنسى الزمن وقيود الطبيب لى بالراحه حتى اكمل شفائى، افضل التحرر من كل قيودى حتى وان ادت الى اذيتى بعد ذلك، فالرقص احيانا يكون علاج لامراض غير موجودة سوى فى عقولنا، امراض استوطنت من الخوف وايقاف العقل وعدم التفكير سوى فى سطحيات الامور وقشورها وترك اللب.
ارقص وارقص، فيؤلمنى "جنبى" واتمنى ان اصرخ او ارتمى على الارض من شدة الألم، لكنى لا اتوقف، اريد ان اخرج ما بداخلى من تساؤلات لا اجابات لها، اريد ان اجد سببا معقولا لبكائى اذا اردت البكاء، اريد ان انظر فى المرآه لاجدنى عدت فجأه الى نفسى، نفسى التى ضاعت فى الدنيا ولم اجدها ولم اعرف حتى متى ضاعت منى.

تنتهى المقطوعه الموسيقى، وارتمى الى الفراش فى الم جسدى ونفسى، فقد اتعبنى جسمى من الرقص، فانا لم استمع لنصيحه الطبيب بالراحه، واتعبتنى نفسى لانها لم تتمكن من اخراج ما بها من آلم ببعض الدوائر القصيرة التى درت بها، تمايلاتى امام المرآه لم تشفع لى لكى اطرد من داخلى قيودى، فحين اخرج من حجرتى ساعود مره اخرى تلك الفتاة الخجولة الهادئة التى لا تجيد من فنون الحياة سوى الكلام والكلام والكلام، وليته كلام يؤتى ثمارا.

الاثنين، ديسمبر 21، 2009

Dream Qoutions :D:D


Do you have a dream hidden in your heart? Think about these insights from famous people to help you accomplish your dreams.

1. “Keep away from people who try to belittle your ambitions. Small people always do that, but the really great make you feel that you, too, can become great.” - Mark Twain

2. “If you want to build a ship, don't herd people together to collect wood and don't assign them tasks and work, but rather teach them to long for the endless immensity of the sea.” - Antoine de Saint-Exupery

3. “All our dreams can come true – if we have the courage to pursue them.” - Walt Disney

4. “You are never too old to set another goal or to dream a new dream.” - C.S. Lewis

5. “Nothing happens unless first a dream.” - Carl Sandburg

6. “It takes someone with a vision of the possibilities to attain new levels of experience. Someone with the courage to live his dreams.” - Les Brown

7. “Some people dream of success... while others wake up and work hard at it.” - David Frost

8. “There are a thousand reasons why you can’t follow your dreams; I challenge you to find one reason why you can.” - Unknown

9. “Dreams are the touchstones of our character.” - Henry David Thoreau

10. “You’ve got to have a dream, to make a dream come true.” - Walt Disney

11. “Dreamers are the saviors of the world.” – James Allen

12. “It’s the possibility of having a dream come true that makes life interesting.” – Paul Coelho

13. “Success may start with a dream, but it must end with an achievement.” – Dave Bell

14. “Every great work, every big accomplishment, has been brought into manifestation through holding to the vision, and often just before the big achievement comes apparent failure and discouragement” – Florence Scovil Shinn

15. “A dream is your creative vision for your life in the future. You must break out of your current comfort zone and become comfortable with the unfamiliar and the unknown.” - Denis Waitley

16. “I understood that no matter how poor a person is, they could still afford a dream.” – Ricky C. Hunley

17. “Make every thought, every fact, that comes into your mind pay you a profit. Make it work and produce for you. Think of things not as they are but as they may be. Don’t merely dream, but create!” – Robert Collier

18. “All our dreams can come true – if we have the courage to pursue them.” - Walt Disney

19. “Cherish your visions and your dreams as they are the children of your soul; the blueprints of your ultimate achievement.” - Napoleon Hill

20. “Be daring, be different, be impractical, be anything that will assert integrity of purpose and imaginative vision against the play-it-safers, the creatures of the commonplace, the slaves of the ordinary” - Sir Cecil Becton

21. “If you have built castles in the air, your work need not be lost; that is where they should be. Now put foundations under them.” - Henry David Thoreau

22. “If your actions inspire others to dream more, learn more, do more and become more, you are a leader.” – John Quincy Adams

23. “I dream my painting, and then I paint my dream.” – Vincent Van Gogh

24. “At the root of every great discovery and exceptional success story lies a dream, an aspiration, a desire.” – Mark Fisher

25. “The world is as you dream it” – John Perkins

26. “Build a dream and the dream will build you.” – Robert Schuller

27. “Make your dreams you goals” – Unknown

28. “Yesterday is but today’s memory and tomorrow is today’s dream.” – Kahlil Gibran

29. “Go confidently in the direction of your dreams – live the life you have imagined.” – Henry David Thoreau

30. “If you have a dream, give it a chance to happen.” - Richard M. DeVos



FLYING TO DREAM ♥

الأحد، ديسمبر 20، 2009

أنه الأمل .. كالعادة




دع الابتسامه ترتسم على استحياء

دعاها تتمناك وتناديك
 امنحنى تلك اللحظة
التى تمنيتها كثيرا
لحظه الارتماء
حين ارتمى بين احضانك
حين ترتخى جفونى امام عيونك
وحين تلمس اناملى كفوف يدك
دع تلك الكلمه تخرج من داخلى
ودعنى اسمعها منك
متعنى كعادتك بتلك اللحظات القصيرة
التى اشعر فيها، وفيها فقط
اننى أنثى .. ملكة على عرش النساء
وارفق بيّ وتحمل حماقاتى


فمن دونك يتحملنى فى جنونى؟
ومن دونك سيحمينى منى؟!
ومن غير قلبك سيصبر علىّ عمرا
كما فعلت وتفعل دوما !!
لم يعد غريبا ان انتظرك
وان انظر فى نتيجتى كل يوم
لأحسب موعدى معك
موعد بلا معاد وبلا اتفاق
لكنه امل اعيش عليه ..
امل ارى فيه نوع من الخلاص
امل يمنحنى الحياة فى لحظات اتمنى فيها الخلاص
فلو كنت انا الحمقاء التى تؤذى وتدمر
فدوما انت الحنون الذى تضمد وتجبر
واذا كنت انا المجنونه التى تقول وتقول ولا تفعل
فانت تسبقنى دوما بعقلك وقلبك وعفوك
فدعنى انام واحلم واتمنى
دعنى افكر فى هواك بصورة جديده
بل دعنى أحبك واحبك واحبك


عجبتنى كلمة من كلام الورق
النور شرق من بين حروفها وبرق
حبيت اشيلها ف قلبى . . قالت حرام
ده انا كل قلب دخلت فيه اتحرق
عجبى !!






السبت، ديسمبر 19، 2009

توفيت بفعل الملل :(




لم أسمع من قبل عن أحد قد قتله الملل، لكنى اتوقع ان نسمع عن هذه الحادثه قريبا، قريبا جدا ...


سيتصدر الخبر جميع الصحف والمجلات اليوميه والاسبوعيه والشهريه، وسيتبادله  الشباب فيما بينهم على الفيس بوك كخبر الموسم وتجربة جديدة من نوعها، وحينها ستكون ابواب المجد والشهر قد فتحت ابوابها لى من اوسع الابواب، ولكن للاسف لن استطيع ان اتمتخر فى الشوارع متباهيه بهذا المجد، ببساطه لانى ساكون ميته حينها.










انها انا من ستموت بفعل الملل، الملل الذى يزحف فى كل قطعه من جسدى ليحيلها الى ثلج عقيم لا فائده منه، اموت امام عينى كل يوم الاف المرات وارانى اتعب ولا املك لنفسى دواء ولا فائدة.


انه ملل غريب، ولم ياتينى من فراغ او من قله ما افعله او من قله من حولى من اشخاص لا أثق فى حبهم لى، بل انه ياتى من كثرة كل شئ، تلك الكثرة التى تجعلنى اشعر بالوحدة والالم على عكس المتوقع منها.


افعل الكثير كل يوم، ويطلب منى الكثير لافعله كل يوم، اواجه الكثير من البشر ويواجهونى، لا اشك فى حبهم لى او تقديرهم لشخصى، لكن تبقى الحقيقة، انى وحيده فى وسط الزحام.


قد ياتى الملل احيانا من حلاوة الاشياء، فكل شئ من حولى قد يبدوا لغيرى فى قمة الروعه، لكنه بالنسبة لى تحول الى عادة افعلها يوميا، اكرهها لكن لا اجد غيرها، بعض الناس تحولت محادثتى لهم لمجرد عادة وفقدت معناها ودفئ احساسها، الكثير مما افعله لم يعد ذو طعم فى حياتى، لا استطيع ان اكف عنه، ولا اشعر به وانا افعله...






انه الملل الذى يزحف على كل ما حولى وعلى كل ما فى، حتى اخشى ان استيقظ فى يوم فلا أجدنى، بل اجد كره كبيرة من الملل يتقاذفها الناس ايضا فى ملل.


ربما انتقل احساسى للاخرين رغم محاولاتى المستميه ان ادرايه عن الاخرين، ربما ابدوا شخصية عجيبه حزينه لا ترضى باى شئ، ربما وربما وربما .. وتبقى المشكلة قائمه حتى مع تعدد وجهات النظر .. الملل.
سئمت من اختفاء الاحساس من حياتى، سئمت من الوحدة التى تقطع من جسدى، سئمت من اشياء كثيرة يفعلها الاخرون من حولى ويحاسبونى عليها دون ذنب منى، سئمت من كذب البشر ونفاقهم وخداعهم وتمثيلهم، سمئت من دعوى الملائكية بينما لا يوجد ملائكه على الأرض ...


انتظروا خبر وفاتى قريبا .. توفيت بفعل الملل :(




أيوب رماه البين بكل العـــــــــلل
سبع سنين مرضان وعنده شلل
الصــــبر طيب .. صبر أيوب شفاه
بس الأكـــــــــاده مات بفعل الملل
عجبي !!!

الجمعة، ديسمبر 18، 2009

الحلقة الأولى من:: فى دنيا الفيس بوك، بطولة دعاء جميل ورغده صالح


جواز الصالونات
***********

انا الفراشة فيرى بلف على الناس فى الفيس بوك بأسمع حكاوى كتير ودردشات عجيبة بس اكتر دردشة بتعجبنى هى دردشات دعاء ورغدة بنتين ما يعرفوش بعض ومش متأكدين من بعض هههههه استنوا كدة ده شكلهم بيتكلموا يلا نشوف بيقولوا ايه



* رغدة: دعاء ازيك يا بنتى فينك؟

* دعاء: اه رغده ازيك ..
انا محتاسه على الاخر وبقالى كام يوم مش بنام من كتر التفكير

* رغدة:ليه؟ فى ايه؟

* دعاء: فيه عريس، شوفتى المصيبه اللى انا فيها

* رغدة:ههههههههه جالك ازاى؟

* دعاء: كنت فى فرح ناس قرايبنا وشافتنى واحده ست فى الفرح عجبتها فقررت تجبلى عريس
شكلها بتشتغل خاطبه تقريبا حاجه كده

* رغدة:اها يعنى انتى لسة مشوفتيهوش؟ طاب وماله ماتشوفيه وبعدين قررى

* دعاء:ده هيجى يتفرج عليا، ويشوف البضاعه اللى طنط قالتله عليها حلوه ولا لأ

* رغدة:مش بضاعة يا دعاء ده تعارف وعلى فكرة ده مش بينقص من كرامة اى حد

* دعاء:تلاقيكى بتقولى كده بس علشان ما اتحطتيش فى الموقف ده قبل كدة

* رغدة:لا ملهاش علاقة دى وجهة نظر انا شايفة ان جواز الصالونات امان للبنت اكتر لانها كدة بتختصر خطوات كتير وبتتأكد ان الشاب جاد فعلا فى الارتباط مش هيركبها الحنطور ويشربها مانجا وخلاص خلصنا يشوف غيرها بقى

* دعاء: ما قلتش حاجه ، بس لما يجى يتجوزنى يتجوزنى علشان عقلى وشخصيتى عجبوه مش علشان شكلى حلو ولا لبسى شيك او باعرف اقدم العصير كويس

* رغدة:على فكرة الانطباع الاول فى حياتك العادية برده بيتاخد بالمظهر هو انتى فاكرة اننا فى حياتنا العادية محدش بيتفرج علينا؟
ده انتى مليون عين بتبص عليكى وبتراقب تصرفاتك وكل حركة بتعمليها

* دعاء: ايوه بس انا ما اعرفهمش ومش بكون مركزة عليهم، لكن ده هيكون قاعد قدامى ومبحلق فيا اوووى

* رغدة:بس الناس اللى بتبص وانتى مش مركزة معاهم دول بيبصولك من كذا زاوية قد تكون منحرفة او مستقيمة على طريقة حساب المثلثات لكن اللى جايلك فى صالون بيتكوا ده بيبصلك من زواية مستقيمة .......وبس

* دعاء:مثلث ايه بس يا بنتى مش وقت هزارك ده
ماما بتقولى عادى شوفيه وممكن يطلع كويس، مش قادره تتخيل الوضع والاحساس اللى انا همر بيهم، عندى احساس الجوارى بتوع افلام الابيض واسود كده

* رغدة:ههههههههههههه بصى يا دودو واضح انى مش عارفة اقنعك طاب ما تيجى نسأل الناس رأيهم ايه؟

* دعاء: نسالهم، واللى يسال ما يتوهش برضه

* رغدة:هههههههههههه مااحنا بنهزر اهو يعنى مش انا بس اللى مهيسة على طول زى ما بتقولى

* دعاء:هم يضحك وهم يبكى وحياتك يا رغده


ياه يا دعاء انتى ورغدة كل ماأسمع كلامكم اقعد افكر. انا على أخر المسلسل ده هاتقلب نحلة
انا مش عارفة ابقى مع رأى رغدة ولا رأى دعاء؟
يا ترى انتوا مع رأى مييييييييييييييين؟؟؟؟؟؟؟؟





النوت على الفيس بوك


الخميس، ديسمبر 17، 2009

بانو بانو



اسم الاغنيه: بانو بانو
غناء:سعاد حسنى
تاليف الكلمات: صلاح جاهين
من فيلم:شفيقه ومتولى



بانو بانو بانو
على أصلكو بانو
والساهى يبطل سهيانه

ولا غِنى ولا صيت
دولا جنس غويط
وكتابنا يبان من عِنوانه
بانو أيوه بانو

جربنا الحلو المتعايق
أبو دم خفيف
وبقينا معاه إخـْوَه شقايق
فاكرينه شريف

أتاريه مش كده على طول الخط
الطـَبْع الردى من جواه نط
خلاص بقى مهما انشال وانحط
مافيش دمعة حزن عشانـُه

بانو أيوه بانو

بانو بانو بانو
على أصلكو بانو

وعرفنا...سيد الرجاله
عرفنا... عين الأعيان

من بره شهامه وأصالة
تشوفه تقول أعظم انسان

انما من جوه يا عينى عليه
بيّاع ويبيع حتى والديه
واهو ده اللى اتعلمنا على ايديه
القهر وقوة هباينه
بانو بانو بانو
على أصلكو بانو


دوروا وشـُّكـُو عنى شويه
كفايانى وشوش
ده أكم من وش غدر بيه
ولا ينكسفوش
وعصير العنب العنابى العنابى
نقطه ورا نقطه يا عذابى يا عذابى
يكشف لى حبايبى واصحابى
يوحدنى وانا ف عز شبابى
القلب على الحب يشابي
والحب بعيد عن أوطانه

بانو أيوه بانو


بانو بانو بانو
على أصلكو بانو

أهو كده بانو
على أصلكو بانو


الثلاثاء، ديسمبر 15، 2009

زحمه الأيام



ما بحبش الأيام الزحمه, مش بس الزحمه فى الشوارع والناس، لكن كمان الزحمه فى الحاجات الكتير اللى بعملها فيها، باحس انى بتعب نفسيا لما باشوف كمية ناس كتيره فى يوم واحد، بيجيلى ضغط عصبى لما فى يوم واحد اروح اماكن كتير ومختلفه، واتعامل مع ناس كتيره ومختلفه برضه.. بحس فعلا انها زحمه يا دنيا زحمه..


النهارده رحت الجامعه، علشان اجيب ورق واشوف اصحابى، وقد كان شفت ناس كتير بقالى مده ما شفتهاش فطبعا وقفت مع كل واحده شويتين ورغيت برضه مع كل واحده حبتين كده، بعد الجامعه طلعت على المكتبه فى التحرير علشان اجدد استعاره الكتب اللى معايا (بتاعت البحث) فطبعا ركبت من العباسية للتحرير واكيد شفت ناس كتييييييير اوى فى السكة وانا راكبه :(


فى المكتبه اكيد برضه شفت ناس، بدأ من بتاع الامن اللى على الباب من تحت، وبتاع الامن اللى على الباب من فوق، والبنوته امينه المكتبه، كل دول اتكلمت معاهم، وشفت ناس كتير فى المكتبه اللى اعرفه واللى ما اعرفهوش .. زحمه يا دنيا زحمه.


التحرير كانت واقفه على رجل، كل الشوارع والاتجاهات زحمه زحمه زحمه، العربيات واقفه مش بتتحرك تقريبا، وانا كنت هطلع على رابعه علشان اروح للدكتور استشارة بعد اسبوع المرض الفظيع اللى عدى عليا، هو صحيح انا خفيت من البرد بس جاتلى كحه شديده اوى مبهدلانى، المهم انى ماكنتش عارفه اركب من كتر الزحمه فاخدتها من اصيرها واتمشيت لرمسيس، وركبت من هناك مينى باص لرابعه العدويه.. الشوارع زحمه بطريقه مش طبيعيه، ما هو كنت فى ساعه الذروه بقى.. اخدت ساعه من رمسيس لرابعه، ولحقت معاد الدكتور بالعافيه.


اصلا الرجال اللى بيقطع الحوجزات ماكانش عاوز يدخلنى علشان الدكتور كشف كتير النهارده، بس الممرضه قالتله دخلها اخر استشارة بقى، وبصراحاه انا ما ردتش اديها فلوس على الحركة دى، علشان كنت هحسها رشوه بصراحه .. مش عارفه ليه!!


بعد ده كل طلع عندى التهاب فى الشعب المخاطيه :(( يا عينى عليا!!


الدكتور ادانى 2 دوا، واحد مهدئ للكحه والتانى للحساسيه ... ويارب اخف بقى، احسن الكحه بجد حاجه رخمه اوووى.


وادى يوم زحمه زحمه فى حياتى، لدرجه انى بعد الغدا لما نمت وصحيت حسيت انى فى يوم جديد مش فى نفس اليوم، مش متخيله ان اليوم ده لسه ما خلصش .. هو مش ناوى يخلص ولا إيه؟؟!

الجمعة، ديسمبر 11، 2009

الشيكولاته قبل الدواء أحيانا






من أجمل اللحظات " الروحيه" اللى ممكن البنى آدم يعشها هى لحظات "الآلم" بجد بجد ومش هزار، لان كل ما ازداد الألم، كل ما حس الانسان بضعفه وصغر حجمه قدام الدنيا والخالق سبحانه وتعالى.


وانا عيانه آخر مره، كنت كل ما يشدد بيّ الألم بافرح اكتر، وبحمد ربنا أكتر واكتر, الحمد لله.
اصلى ما كنتش فاكره آخر مره عيت فيه اوى كده امتى، لدرجه انى خفت يكون ربنا نسينى او مش بيحبنى، كنت احيانا بينى وبين نفسى باتمنى الابتلاء ده علشان اتاكد ان ربنا بيحبنى وعايز يخفف عنى شوية من ذنوبى الكتيره اوى اوى اللى لا ليها اول ولا آخر.


اصله ما كانش دور برد عادى كده (هو برد طبيعى "بشرى" بس مش عادى) برد فى العضم والمعده، يالهوووووى على برد المعده ده التانى، غير ان انا عندى مشكلة غبية نفسى الاقى لها تفسير يريحنى، اول ما باخد دور برد، عينى تفضل تدمع لوحدها بدون توقف "مش هتقدر تغمض عنيك فعلا"
كان عندى احساس الفسيخه اللى طلعوها من حوض السمك، ما انا بكيفى او غصب عنى مش قادره اتحرك اصلا، بنام اكتر ما باصحى، وبحلم بكافه انواع الاحلام، الحلو على الكوابيس تشكيلة من اللى قلبك يحبها يعنى
نيجى بقى للشق المهم، عمليه البستره، اه والله كنت بتبستر بس بطريقه مختلفه بعيدا عن السخن والساقع، بسطره بالحلو والمر
الدكتور كتبلى على كذا دوا ومنهم اتنين لعلاج الكحه و"البلغم" والذى منه يعنى واحد طعمه مرررررررررر والتانى مسكر بطريقه تغم النفس، بسطره بسطره يعنى، انا بقى اول مره اخد الدوا المر قبل ما اعرف انه مر يعنى، جريت على المكتب عندى كان عليه شيكولاتيه "مورو" كان هاين عليّ اكلها بقشرها مش قادره اصبر لحد اما افتحها، بس اتعلمت بقى وبقيت اجهز الشيكولاته قبل ما افتح علبه الدوا أصلا



يجوز اتعلمت الصبر شوية، والاهم انى عرفت قيمه حاجات كتير فى حياتى، قيمتها الحقيقية سواء ناس او اشياء، الألم طلع من جوايا مشاعر كانت "مكبوته" ايوووون مكبوته يعنى محبوسه مسجونه، طلعتها فى آآآآآآآآآآه فى لحظه الم لا تطاق، وفى دمعه بليل بدعى فيها وبقول ياااااااارب.


التساؤل الأخير اللى فكرت فيه كتير اوى، مين الغبى اللى يسلم نفسه لمشرط دكتور وهو سليم مش محتاجه، انهى بنى ادم عنده عقل يروح يعمل عمليه نفخ وشفط وشد وتلزيق وتظبيط وهو خلقه ربنا زى الفل، يعنى لو قلنا انه عنده عيب خلقى يبقى يتفضل وساعتها هتبقى علاج ومهم وربنا يشفيه، لكن اروح اسلم جسمى لمشرط دكتور علشان نوع من الرفاهيه الزياده، يبقى ساعتها حلال اللى يجرا فى الواحد، يموت بقى ولا يحصل شلل خماسى، ما هو اللى جابه لنفسه من الأول.
المضحك انى كنت باكتب موضوع وانا عيانه، وكنت محتاجه اكتب الجمله دى فى بدايته " الصحه تاج على رؤس الأصحاء" وبجد كنت مقهوره جداااا وبتقطع وانا باكتبها لانى حستها المره دى كما لما اشعر بها من قبل.


ويارب يكمل شفايّ على خير ويشفى كل مرضانا يارب :):)
وسامحونى على التهييس ده، الفراااغ يعمل أكتر من كده:$

الخميس، ديسمبر 10، 2009

بحتاجلك ساعات



يمكن اتعودت على غيابك، وخدتنى حياتى بعيد عنك
او يمكن بشغل نفسى بالف حاجه غيرك علشان ما افكرش فيك
بخاف انى فى ثانيه واحده اهدى من اللى بعمله وارجع افكر فيك من تانى
وليه هرجع؟؟ هو انا اصلا ببطل تفكير فيك؟؟
انت الحب اللى ما حبتهوش، والعمر اللى ما عشتهوش، وكل حاجه حلوه اتمنتها ولا طلتهاش
الحضن اللى باتمناه، والقلب اللى باستناه، والحلم اللى عايشه بيه وليه
بشوف نفسى فى نظر الناس شخصيه فاضيه ساذجه،اكبر حلمها قلب فى حضنه تنام

بس قدام نفسى انا شايفه انى اقوى منهم، حبك هو اللى مقوينى على الدنيا
حبك اللى منجحنى ومصبرنى وبيخلينى اعدى ازمات ومشاكل كتير فى حياتى
حبك اللى قلبى ما دأش شهده
حضنك اللى حضنى لسه ما اتدفاش بحبه
كل حاجه فيك اللى مشتاقه لها كل حاجه فيا

وحشتنى :$

الاثنين، ديسمبر 07، 2009

اللقاء الأول



كنت أبحث عنه بعينى بين عيون البشر، ليجمعنا هذا المكان بعد غياب دام سنوات طويلة، غياب لم اعرفه فيه ولم يعرفنى، لكننا كنا أقرب الى بعضنا من العالم كله.
بدقات قلب متسارعه متلهفه، اتمنى ان تجرى عقارب الساعه من مكانها حتى يحين موعدنا، لأراه أخيرا بعد هذه الشهور الطويلة من الحديث على (الفيس بوك)، اراه امامى حيا متحركا.
مد لى يده بالسلام، فترددت للحظات، اتمنى ان ارتمى كلى بين احضانه وليس فقط ان اترك يدى بين راحتيه لحظات، لكنى ادركت استحاله ذلك امام هذا الجمع من البشر، فمدت يدى على استحياء، لكنه تمسك بها كانه غريق فى بحر عميق ويدى هى طوق نجاته الوحيد.
لم نتبادل حديثا سوى بعض كلمات السلام والترحيب، لكن اعيننا تبادلت اعظم حديث فى العالم، حديث المشتاق عندما يقابل محبوبه بعد فراق طويل، ذلك الحديث الذى يغرق فيه اثنين لا يفهم من حولهم منه اى شئ
سرعان ما انتهى الحفل وجاء موعد الرحيل، نظرت اليه بعينان تملاهما الدموع والرجاء، كانى اتوسله الا يترك قلبى يضيع فى طرقات الحياة وحيدا، بعد ان تذوق حلاوه وجوده فى الحياه، فنظر هو لى نظره المحب الرقيق، الذى يكفكف دمع محبوبه ويطمئنه انه فى حياته باقٍ.