عيد ميلادى العشرين قد أتى

وادى السنة جريت اوام اوام, وفاتت عشرين سنه بحالهم على وجودى فى الحياة دى, كملتهم عند ربنا وعند أهلى خلاص يوم 23 أكتوبر.. وهكملهم فى الأوراق الرسمية اللى بتعترف بيها الدولة يوم 26 أكتوبر.

عشرين سنه يعنى عقدين من الزمن, يعنى عشرة سنين وكمان فوقهم عشرة سنين تانين.

يااااااااااااااااااااااه, كل ده عشته.

مرت فى حياتى القصيرة الطويلة دى حاجات كتيره ومواقف, اتعلمت حاجات بالعبيط, واخدت اقلام بالهبل على وشى, فوقتنى وصحتنى, وجعتنى اه لكن فادتنى.

اخدت أحضان كمان كتير, هونت عليا كل قلم ادتهونى الدنيا.

ضحكت فى وشوش ناس, اعرفها وماعرفهاش

وبكيت قدام ناس, وكان نفسى ما اوجعاش

حققت نجاحات فى حاجات وفشلت فى حاجات, وحلمت بحاجات وبعدت عن حاجات

اوقات حسيت الدنيا قفلت فى وشى. بكيت وصرخت من شدة الالم اللى جوايا

اوقات حسيت ان الدنيا بتضحكلى وفتحالى ابوابها ادخل من ايهم أشاء.

اتعلقت بناس وحبيت ناس وخذلنى ناااااااس

شفت اماكن كتيره اوى وعرفت معلومات كتيره اوى اوووى وقريت شوية كتب كده كتييييييييييير اوى اوى اوى.

فى حياتى الصغنونه دى اللى انا حاساهم كتير اوى (20 عااام بحالهم) عملت حاجات كتيره اوى, ذنوب كتييييييييير وحسنات يارب يكونوا كتير.

حاسه انى بقفل دفتر من حياتى, هقفله بكل ما فيه, بكل تجاربه وخبراته ولحظاته المره قبل الحلوة, هقفل 20 سنه بكل حاجه فيهم, علشان أبدأ عمر جديد, بحاجات جديدة, مشاعر جديدة وافكار جديدة واحلام جديدة .. حيااااااااة جديدة.

بارادتى او غصب عنى لازم هبص من وقت للتانى فى دفترى القديم, اكيد اتاثرت بيه وهيفضل معلم فيا لحد ما اموت, ومهما قفلت وحطيت فوقيه ميت قفل وترباس هيفض تاثيره فيا موجود.

بس بعد 20 سنة عدوا من عمرى, ضاع نصهم فى عمر ما كنتش واعيه فيه لاى حاجة, والنص التانى ما بين محاولات للادراك, لتجارب فاشله فى الادراك, وقليل من الومضات المضيئة اللى هتأثر فى عمرى اللى جاى, لازم افتح صفحة جديدة

اولا بسنة جديدة هتبدأ من حياتى

وثانيا مرحلة جديدة هتبدأ من النهاردة من حياتى....

انا اول واحده هتحس بالتغير جواها.. والناس كمان هتحسه من برا

وكل سنه وانا طيبة..

كل سنه وانا فى سلام مع نفسى

كل سنة وانا بحب نفسى اكتر

كل سنة وانا باحاول افهم نفسى أكتر

كل سنة وانا باحاول اتعلم اكتر

كل سنة وانا بحاول اتطور اكتر واكتر

كل سنة وانا بحب كل الدنيا, وعندى امل فى بكرة

كل سنة وانا طيبة

• ملحوظة:: انا ما كتبتش النوت دى علشان حد يدخل يقولى كل سنة وانت طيبة
انا اولا كتبتها كنوع من المصارحه مع نفسى
وثانيا,, انى محتاجه من كل واحد فيكم يقولى نصيحة شايف انى محتاجلها
ويقولى على عيب فيا محتاجه اتخلص منه ... وبكده تبقى قدمتلى خدمه لا يمكن انساهالك أبداااااااا

حوار كوول مع مسئول

اعزائى القراء المبجلين, بعد التحيه والسلام الكتير, انا عارفه ان فى دماغكم اسئلة كتيره اوى عن حاله البلد, وعن وضع مصر على خريطة العالم الفترة القدامة, عن احوالنا الاقتصادية ومشارعينا القدامة, وعلشان اريحكم تعبت نفسى وعملتلكم الحوار ده ..


صحفيه مغمورة says:
سيادة المسؤل , اسمحلى ادخل فيك شمال على طول واقولك ان الشعب مش مبسوط خالص ولوووول

مسئول بتاع كله says:
طب ليه تدخلي شمال ماليمين فاضي عندك اهو هاهاهاها مين قال ان الشعب مش مبسوط هاتيلي دليل واحد اتحداكي انك تجيبي دليل ان الشعب مش مبسوط

صحفيه مغمورة says:
هو الدليل ممكن تجيبه لو اتصلت من اى تليفون ارضى على 140, اه بس لو عايز الدليل بتاع الشعب انه مش مبسوط, هتلاقيه حضرتك فى وشوش الناس المكتأبه المكشرة المبوزه اللى بوزها يقطع الخميرة من البيت دى

مسئول بتاع كله says:
ومين قال ان البوز ده معناه انهم مش مبسوطين بالعكس بقا ده الدراسات العلمية اثبتت ان كلما ازداد طول بوز الواحد كلما زادت قدرته على العمل يعني ده معناه اننا بندي للناس القدرة والدافع عشان يشتغلوا اكتر وينتجوا اكتر وبالتالي فلوسنا تكتر ....احم احم اسف فلوس الدولة يعني تكتر

صحفيه مغمورة says:
ماهو حضرتك البوز ده بياخد مساحه فى المواصلات, وبالتالى حضرتك بتلاقى كل الاتوبيسات"مكتظه" بالبشر, الابواز بتاخد مكان كبير

مسئول بتاع كله says:
فعلا ملحوظة جيدة احييكي عليها عشان كده لو تلاحظي اننا وفرنا في الاتوبيسات الجديدة حلقات جلدية الناس للأسف بيفتكروها معمولة للإيد لكن احنا عاملينها عشان الواحد يقف ويعلق بوزه عشان مايتعبش

صحفيه مغمورة says:
حضرتك كده للاسف بتتفه من حجم معاناه المواطن المصرى, طيب بعيدا عن مسألة البوز دى يعنى, دلوقتى المناهج التعليمة كل ما يقولوا انهم طوروها يطلعوا خربوها ؟؟

مسئول بتاع كله says:
لتاني مرة هطلب منك دليل ملموس لان ده كلام مرسل لا اساس له من الصحة التعليم اطور فعلا وبقا أفضل كتير لو شفتي زمان وليه زمان لو بصيتي على الدول الأوروبية هتلاقي الطالب هناك بيروح المدرسة بكتاب وكراسة كتاب واحد وكراسة واحدة قمة الاستهزاء بقيمة التعليم والعلم لكن عندنا الطالب بيشيل اكتر من 10 كيلو جرام كتب وكراريس مش عشان نتعبه لاسمح الله لا احنا بس بنخليه يحس بثقل العلم واهميته

مسئول بتاع كله says:
فلما يكبر يعرف انه شال حاجة تقيلة اوي هو مش ادها يروح يتعلم صنعة تنفعه ويزود الانتاج بردو وده معناه ان فلوسنا بردو هتزيد معلش اقصد فلوس البلد

صحفيه مغمورة says:
الدليل يا فندم على تعاسه المواطن تتمثل, ان المرتب مش بيكفى لحد يوم خمسه فى الشهر, الاسعار تولع مش بتغلى !! الزباله موجوده فى كل حته مع ان فى شركات مسؤلة انها تلمها وبتاخد ملاين من دم الغلابه دول, الشباب بيتخرج من الجامعه, لا بيلاقى وظيفه تلمه, ولا حتى معاه فلوس يقعد يشيش على اى قهوه .. مش كل ده حضرتك يعنى دليل على تعاسه المواطن الغلبان

مسئول بتاع كله says:
عيبكو كاعلام وصحافة انكو دايما بتبصوا لنص الكباية الفاضي مش بتبصوا للنص المليان يعني فيها ايه لما يبقى فيه عدد من المواطنين مرتبهم مش بيكفي ليوم خمسة في الشهر ده عيب منهم مش من الحكومة طب انا هقولك مش انا موظف في الحكومة اهو عندك انا باخد مرتبي زي زيهم بادفع مصاريف المدارس لولادي زيي زيهم وعليا بردو اقساط زيي زيهم ده يمكن انا اقساطي اكتر لاني بدفع قسط عربيتي وقسط عربية المدام ده غير ايجار

مسئول بتاع كله says:
فيلا العجمي وفواتير الموبايلات وغيره وغيره ومع ذلك مرتبي بيكفي لآخر الشهر وبحط كمان بقيته في حسابي في البنك طب ازاي انا بعرف ارتب اموري وناس تانية ماتعرفش ؟؟دي يا استاذة ياصحفية عيب من المواطن انه ماتعلمش ازاي ينظم حياته ويقسم مرتبه بحيث انه يكفيه على مدار الشهر

مسئول بتاع كله says:
نيجي بقا لنقطة النضافة وليه الشركات اللي بتاخد من دم الغلابة مش بتشتغل وده اتهام باطل لا أساس له من الصحة مش معنى ان في مناطق فيها زبالة ان الشركات دي مش شغالة بس هما ياجماعة ناس أوربيين يعني عندهم حاجة اسمها نظام وترتيب أولويات يعني لما بيعملوا جدول للأماكن اللي هينضفوها انهاردة مثلا بيلاقوا منطقة ساكن فيها الوزير ومنطقة تانية عبارة عن مساكن شعبية طب بذمتك لو انتي مكانهم هتروحي فين اول جاوبيني ؟

صحفيه مغمورة says:
ماهو حضرتك مش كل يوم هننضف المنطقة اللى ساكن فيها الوزير. وعمرنا ما نقرب من المناطق الشعبيه, كده المنطقه اللى فى الوزير تبقى انضف منا لصينى بعد غسيله ومناطق المساكن الشعبية هتبقى يعنى .. افففففففف اوى

مسئول بتاع كله says:
طب احنا ذنبنا ايه اذا كانت المناطق الشعبية دي زبالتها كتير وبعدين مين قال اننا بننضف عند نفس الوزير كل يوم لا طبعا دي معلومة خاطئة أرجو إنك تصححيها الشركة عندها جدولة بالمناطق اللي ساكن فيها الوزراء وأصحاب المناصب الهامة ده غير طبعا القيادات الحزبية ومش القومية بس لا وكمان المعارضة شوفي بقا لو حسبتيهم هيطلع عندك اكتر من 200 منطقة في الجدول لما تقسميهم على شهر هتلاقي ان الشركة فعلا بتبذل قصارى

مسئول بتاع كله says:
جهودها في تنظيف المناطق دي .....يا جماعة الناس دي هي الكريمة بتاعة البلد ماينفعش الأوبئة تقرب مالكريمة عشان طعمها مايبوظش

صحفيه مغمورة says:
لا واضح فعلا ان شركات النضافه بتتعب .. يقطعوا نفسهم بقى ولا يقطعوا نفسهم ؟؟! انا ما يهونش عليا برضه

صحفيه مغمورة says:
الشعب بقى يولع فى نفسه علشان يريح المسؤلين من همه بلا وجع قلب ..

مسئول بتاع كله says:
لا لا لا بلاش حكاية يولعوا في نفسهم دي احنا داخلين على ماتش مهم مع الجزاير وعايزين الدرجة التالتة تتملي بردو ممكن لما نتغلب يولعوا في نفسهم براحتهم بس ياريت برة الاستاد عشان مفيش سيولة نجدده تاني

مسئول بتاع كله says:
انتي هتقلبي في الورق كتير .......بسرعة معلش عشان عندي اجتماع مهم في الوزارة
صحفيه مغمورة says:
طب هو سؤال مش بيلح عليا خالص حضرتك من بداية اللقاء. احب ان حضرتك تحكيلى عن قصه كفاح حضرتك

صحفيه مغمورة says:
باختصار كده علشان بس الشعب يتعلم

مسئول بتاع كله says:
انا مواطن مصري عادي جدا زيي زيكم اتولدت في قرية على حدود القاهرة أبويا الله يرحمه ويحسن إليه كان بيشتغل مدير فندق في وسط البلد وأمي الله يباركلي فيها يارب كانت فنانة استعراضية مشهورة وشغالة في نفس الفندق اللي والدي كان بيشتغل فيه والاتنين تعبوا عشان يدخلوني المدرسة الفرنسية عشان كانوا خايفين لو دخلت مدرسة تبع الحكومة الملكية ايامها تفكيري يبوظ وتضيع مني قيم الانتماء للبلد

صحفيه مغمورة says:
ونعم الاهل حضرتك .. انعم واكرم

مسئول بتاع كله says:
المهم بعد ماخلصت التوجيهية جاتلي بعثة زيي زي أي طالب في سني وسافرت فرنسا قعدت هناك 12 سنة بحالهم درست وكنت باشتغل وانا بدرس في ملهى ليلي عشان اوفر فلوس الدراسة لان امي بعد مابويا مات بطلت شغل وقعدت في البيت واصحاب ابويا كانوا كلهم ولاد حرام وماحدش مد ايده بمساعدة لأمي فبالتالي اعتمدت على نفسي ودرست وخدت دكتوراه في العلوم السياسية والرسالة بتاعتي لسه بتدرس لحد الوقتي في جامعات عالمية لانها كانت اول

مسئول بتاع كله says:
رسالة علمية توجد العلاقة بين الفن الاستعراضي والادارة السياسية

مسئول بتاع كله says:
ولما رجعت على مصر اتعينت في وظيفة في وزارة من الوزارات واجتهدت في شغلي لحد مابقيت مسئول كبير زي ماحضرتك شايفة كده

صحفيه مغمورة says:
اتمنى ان كل الشعب باخد قدوة من حضرتك, ويتعب ويكافح كده علشان يحقق احلامه

مسئول بتاع كله says:
ياريت يا انسة والله

صحفيه مغمورة says:
طيب, حضرتك شايف مصر فين على خريطة العالم فى الفترة اللى جاى؟؟

مسئول بتاع كله says:
زي ماهي انا لسه ماجاليش تعليمات بتغيير خريطة العالم لحد الوقتي

صحفيه مغمورة says:
اه .. تمام

مسئول بتاع كله says:
جمب ليبيا علطول

مسئول بتاع كله says:
وبينها وبين السعودية بحر أحمر مش درستي جغرافيا ولا ايه

صحفيه مغمورة says:
ايه ده فعلا !! امال الاشاعات اللى طلعت بنقل مصر من الخريطة من جنب ليبيا كده ونوديها جنوب افريقا, علشان نحضر بقى كاس العالم ونشجع ..

مسئول بتاع كله says:
هاهاهاها دي اشاعات مغرضة الغرض منها تشويش العلاقة بين البلدين المصري والليبي بس كلام بيني وبينك الحكومة بتدرس انشاء كوبري موازي للنيل فوقه علطول لحد الحبشة وهناك في وسيلة مواصلات حلوة كده ومريحة اسمها توك توك هتاخد الناس توصلهم موزمبيق تحت شوية ومن هناك نمد طريق سريع لجنوب افريقيا بحيث اننا نسهل عالجمهور الحبيب انه يشجع منتخب بلده ويكون مرتاح في سفره تمام وماعندوش اي مؤرقات او تعب او ارهاق

مسئول بتاع كله says:
وده يوضح اد ايه الحكومة بتشتغل من أجل راحة الجماهير والشعب المصري العظيم

صحفيه مغمورة says:
طيب ده يجبرنى انى اسال سؤال مهم اوى ..المصاريف اللى هتتصرف على الطريق من مصر لحد جنوب افريقيا واللى اكيد هتكون مئات المليرات من الدولارات, مش حضرتك شايف ان البلد محتاجاها الفترة دى علشان النمو الاقتصادى

مسئول بتاع كله says:
انا زي ماقلتلك قبل كده احنا همنا المواطن البسيط محدود الدخل ...المواطن ده هيفرح اكتر لما اقولله احنا المؤشر بتاعنا طلع بنسبة 1.1 % ولا لما اقولله انت هتروح تشوف رونالدينيو عالطبيعة في جنوب افريقيا

صحفيه مغمورة says:
اه .. لا تصدق مع حضرتك حق . عندك بعد نظر حضرتك واضح

صحفيه مغمورة says:
هى النضارة دى قرايا بس؟؟

مسئول بتاع كله says:
اه فعلا انتي على فكرة عندك قوة ملاحظة

صحفيه مغمورة says:
اهو باحاول اتطور من نفسى, علشان اترقى, بقالى 30 سنه صحفية مغمورة

مسئول بتاع كله says:
انتي بتشتغلي في جرنال قومي ولا حكومة اقصد ولا معارضة

صحفيه مغمورة says:
جرنال حكومى طبعاااااااااااااااااا

مسئول بتاع كله says:
طب خدي الكارت ده عليه توصية مني اديه لرئيس التحرير ومستني شغلك في الصفحة الأولى

صحفيه مغمورة says:
افعلا !! والله حضرتك اكتر مسؤل محترم قبلته فى حياتى

مسئول بتاع كله says:
ده شيء أكيد وده مش عشان مجهوداتي لا ده بفضل من الله تعالى وتوفيقه

صحفيه مغمورة says:
ونعم بالله

صحفيه مغمورة says:
--------------------------
صحفيه مغمورة says:
حبايبى القراء .. الحوار الساخن الجرئ المفتوح, الحوار الجامد اووووى اللى عملته مع اجمد مسئول فيكى يا بلد (عشان كارت التوصية) اكيد طبعا وضحلكم سياسة الحكومة الفترة اللى جايا, واكيد طبعا جاوب كمان على تساؤلات كتير بتلف فى دماغكم, علشان تبطلوا تزعجوا المسؤلين شوية وخلوهم يركزوا شوية فى دراستهم الحرة اللى بيعملوها, واهو كله لمصلحتكم فى الاخر

صحفيه مغمورة says:
ولو هتستنوا التحقيق بتاعى .. هتلاقوه من بكرة فى الصفحة الاولى




مسئول بتاع كله: حسام سرحان
صحفيه مغمورة: دعــاء جميل

اعتقاد

دوما عندما كنت أمر بتجربة سعيدة كنت أقول لنفسى انها أفضل شئ حدث لى فى حياتى, وانه من المستحيل ان أجد شئ أفضل من ذلك, ولكن بمرور الوقت يختفى هذا الشئ الجميل البراق من حياتى ليظهر شئ اخر اجمل من سابقه, ويسعدنى أكثر بكثير من اى شئ قبله, فأعود لأخبر نفسى مرة اخرى, ان ذلك بلا شك هو أفضل حدث فى حياتى ولا أتخيل ان اجد أفضل من ذلك, ثم يختفى هذا الشئ كسابقه ويظهر غيره, مرات ومرات ولا أتعلم أبدا, حتى أدركت حقيقة جميلة اقنعت عقلى قبل أن تقنع قلبى,وهى ان افضل شئ فى حياتى لم احياه بعد, وانى مادمت حيا اتنفس فان كل يوم يحمل معه الجديد وان غدا دوما مازال بعيد, وفى بعده محمل بكل ماهو جميل، كالمسافر البعيد عن أهله الذى يعود لهم محمل بالهدايا الرائعه.

دمــــوع

نعم اعلم انى ولدت وانا أبكى, بكيت لانى فارقت وقتها أكثر مكان كنت اجد فيه الأمان الحقيقى, وبعد وقت اعتدت على الحياة ومتاعبها, وظل حضن أمى هو المكان الوحيد الذى ألجأ اليه دوما عندما تظلم امامى الدنيا, أو حين تكثر عليا المصاعب وآلام الحياة.
ولكن منذ ان ولدت وقد اعتدت البكاء فى كل مناسباتى الحزين منها والسعيد ..
فحين رأيتك أول مرة بكيت .. بكيت من فرط سعادتى انى وجدت ما جريت الأرض طولها وعرضها بحثا عنه, بكيت من شده احساسى بالاحتياج اليك, والى ان أرتمى بين أحضانك لتربت على شعرى بيدك الحنونه وتضمنى الى قلبك بشدة وبرفق.
لكنى لم أفعل شئ سوى المكوث فى مكانى, انظر اليك وتدمع عينى خلسه فاداري دموعى بطرف ثوبى حتى لا تراها.
و حين أتيتنى تزف لى البشرا.. انك تحبنى وتريدنى وتتمنانى زوجتك.. بالطبع بكيت, فانت اول حلم فى حياتى احلم به واراه يتحقق امام عينى .. بكيت من فرط سعادتى بك, بكيت من شده امتنانى لله الرحيم الذى منّ علىّ ورزقنى إياك.
بالطبع يوم زفافى سبحت فى بركة من دموعى, جففتها بصعوبة حتى اتمكن من وضع زينة العروس, فها انا اليوم عروس كما تتمنى كل فتاة, وساتزوج من قرة عينى وحب عمرى الوحيد, وعندما أعلننا المأذون زوجا وزوجه تمنيت للحظات ان اختلى بنفسى حتى ابكى بحرية, تمنيت لو تركنى الناس قليلا لاسجد لله سجده شكر طويلة, أشكره فيه على عطائه وكرمه وسخائه معى.
عندما رزقنى الله بأول أولادى وآخرهم, بكيت من عظمة الخالق فى خلقه, بكيت من سعادتى ان هناك كائن صغير أصبح مشتركا بيننا وسيصبح مدى الدهر رابطا بيننا.
وعندما اختارك الله لترحل عنى وانا لم أكمل معاك عاما واحدا, عندما اختارك لتتركنى وحيده فى عالم واسع ملئ بالبشر والعيون التى لا ترحم.. حينها لم أبكِ.
هذه المرة لم أبكِ .. لانى فى كل مرة كنت أبكى فيها كنت اجد يدك تمتد الى خدى لتمسح دمعى برقه,, كنت أجد حضنك يضمنى اليه فى حنان ويهون علىّ كل شئ واى شئ.. لكنى الآن اذا بكيت, فلن اجد من الدنيا من يمسح دمعى بيده او يضمنى الى صدره فى رفق.
بل أصبحت ابتسم واحيانا اضحك أيضا .. عندما انظر الى القطعه الحية التى تركتها لىّ لتذكرنى بك ,, عندما اراه يقترب منى يحادثنى ويناقشنى و يضمنى اليه أحيانا استشعرك فيه.
أحمل ابنائه واتذكر يوم ان حملته اول مرة, و اتذكر دموع فرحتى وقتها فاضحك, اتذكر نظراتك لىّ وانت تعاتبنى انى ابكى فى كل شئ ولأى شء بدل أن اضحك, فأضحك, لانى أدركت الان كم عانيت معى من بكائى :$
اما اليوم فانا حقا سعيدة, سعادتى لا توصف, فانا اشعر بك تقترب منى كعاداتك, اشم رائحتك فى انفى, وارى خيالك يتراقص امام عينى, انى ادرك انها البداية .. نعم انها بداية وليست نهايه كما يعتقد البعض, فانا اوشك ان ابدأ حياتى من جديد معك, فى دنيا لا فراق فيها ولا دموع, وأعدك انى لن ابكى مرة اخرى, بل ساضحك واملا حياتك ضحكا وابتسامات.
ها أنا الآن آراك بوضوح, كما تركتنى, لم تتغير ملامحك ابدا, ربما فقط ازددت وسامة على وسامتك.. ارجوك ضمنى اليك. ضمنى بقوة, فقد اوحشنى ذلك الحضن, واوحشتنى انفاسك وعطرك ولمساتك... أحبك..!

أصعب حب

* أصعب حب لما تلاقى اللى انت تحبه ما بيحبكش
ولا تحس مهما عيونك تنطق قلبه ما بيحسكش

بتحبه؟؟ لالا انت بتعشقه, بتدوب فيه وبتتمنى لو يطلب عنيك علشان تديهاله وتبينله قد ايه انت بتحبه, بتعشق حياتك علشان هو بقى موجود فيها, وبتكره امبارح لانك عشته من غيره, وبتتمنى لو ربنا يطول فى عمرك بس عشان تعيش عمرين معاه, بتحبه لأ ده أنت بتموت فيه، بتموت فى عيونه, نظراته, وبتموت فى آهات قلبك اللى بتقتلك وتعذبك كل ما تمر من قدامه وما ياخدش باله منك وبتموت فى وجع قلبك وحيرتك وانت بتحاول تلمحله أو تبينله قد ايه بتحبه وبتتمناه وهو ولا دارى ولا فى باله.


* تبدأ تضعف يمكن يعطف
تبدأ توهب يبدأ يخطف

ما انت بتحبه ومستعد تلف العالم مليون مرة لو هو يطلب بس علشان يحبك ويحس بيك, بتضعف وتضعف وتبدأ فى سلسة من التنازلات وراها تنازلات, وانت بتعملها وانت مش حاسس انك بتتنازل عن اى شئ, انت بتعمل كل حاجه بحب شديد وبإخلاص شديد, بتعمل كل ده علشان الانسان الوحيد اللى سكن جواك واخدك منك , وانت بتدى وهو بياخد, وانت سعيد اوى باللى بيحصل ومعتقد انك كده "حبيب عظيم", وتفضل تقدمله فى حاجات, وهو مش بيعمل اى حاجه غير انه بياخد وبياخد وبياخد ومش بيديك اى حاجه, ماهو ما بيحبكش ومش حاسس بالنار اللى جواك

* فجأة تحس ان اللى انت وقعت فى حبه ما يستاهلكش

وفى يوم تفوق على القلم اللى هيفوقك, انك حبيت انسان ما يستاهلكش, وانك كنت كتير عليه, كتير اووووووووووى, هتندم شوية وممكن تتعب شويتين كمان, بس هترجع بعديها تفوق وترجع لنفسك ولحياتك تانى, بقلب مجروح شوية من الدنيا, لكن قلب متعلم درس, ودرس مش سهل كمان, مش اى حد اللى يستاهل قلبك وحبك واخلاصك وتضحياتك.س

* أقوى عذاب لما دموعك تنزل منك قدام عينه ما يشوفهاش
أقوى عذاب كل ما تيجى تقوله بحبك يسكت قلبك ما يقولهاش
ولأنك عايش وحدك متغرب جوا حكايه
تايه مجروح مش عارف خايف من اى نهايه

تنتهى الحكاية وده الطبيعى لانك حبيت قلب ما حبكش, حسيته وماحسكش, هتنتهى لان ما ينفعش ان قصة حب تكبر وتبقى قصة حب بجد, وانت تفضل قدامه ضعيف, تبكى ويعمل نفسه مش واخد باله من دموعك, تقوله بحبك ويفهمها باى شكل تانى غير انك فعلا بتحبه, تقدمله عمرك راضى وسعيد وهو ياخد منك بدون اى مقابل, احساس قاتل انك تتوه فى الانسان اللى بتحبه وتتوه معاه, وبدل ما يكون سبيلك للأمان والطمأنينه يبقى سبب لخوفك وقلقك من كل الدنيا.

تبدأ تضعف يمكن يعطف
تبدأ توهب يبدأ يخطف
فجأة تحس ان اللى انت وقعت فى حبه ما يستاهلكش

كلمة أخيره: مش لازم كل قلب تحبه يحبك !!!

لو كان ده حلم ... !

لو كان ده حلم يارتنى أفضل أحلم على طول!

................ النقط دى كلام كتير جوايا ليك بس مش عارفه أقوله, مش كسوف منك ده انت الانسان الوحيد اللى ما بتكسفش قدامه وباكون على طبيعتى معاه, لكنى حسيت ان كلام الدنيا عليك ... شوية!

طول ما انت عنى بعيد ما بجبش غير فى سيرتك وما بتكلمش غير عليك, بس مش عارفه ليه قدامك بسكت وما بلاقيش كلام أقوله, يمكن من كتر حبى ليك باكون مش عايزه أضيع وقتى وانا معاك فى كلام, باكون معاك عايزة استمتع باحساس وجودى معاك .. وبس!

روعه الصمت وعظمة الحب ... إحساسى انى أميرة الدنيا او كأنى عروسة البحر، ممكن اسبح فى اى مكان فى بحر واسع من الراحه والامان اللى ما لقتهمش غير فى عنيك.

معقولة فيه كده ؟؟! شكلى بحلم

بس انا عمرى ماحلمت الاقى حد زيك, ولا حتى تخيلت ان في زيك, اصلى بحس فيك الرجولة اللى هتحمينى وتدفينى وتطمنى, بس كمان بحس كتير انك زى ابنى اللى ممكن العب واصحك معاه, وبحس انى مسئولة عنه وباخاف عليه واشيله جوا عنيا, مش هقولك بقى انك ابويا واخويا والكلام التقليدى ده .. بس كفايه انى أقلك انك حبيبى، وانا حبيبى كلمه كبيره اوى عندى ومش سهل أقلها كده لاى حد, انا حبيبى كلمه قلتهالك انت بس .. لانك فعلا .. حبيبى!

واخد قلبى وعقلى معاك.. سواء كنت انا معاك او بعيد

بس استنى بقى يا أستاذ, انت علمتنى حاجه عمرى ما حاستها ولا عرفتها قبل ما أعرفك, علمتنى اغير عليك !!!

ايوه انا فعلا بغير عليك من كل واحده تكلمها، او حتى اى واحد تبص عليك حتى لو ما كلمتهاش, ده انا احيانا بغير عليكى منى انا، وما تسألنيش ازاى بقى!!

ممممم انا كفاية عليا دلوقتى انى نفسى اولادى يبقوا شبهك :$ اصلهم بيقولوا البنت بتطلع شبه باباها وانا بجد مش عايزه اكتر من ان بنتى اللى هتبقى جزء منى ومنك تبقى شبهك وتفكرنى بيك طول العمر

بس هرجع واقول .. والله انا خايفه تكون حلم, اصل ما فيش ملايكة على الأرض .. زمن المعجزات انتهى, بس حتى لو كنت حلم.. بحبك !!

كتبتها وانا قدام النيل :$:$ عشقى الاول
وعدلت فيها حاجات وانا بكتبها على الكمبيوتر وانا باسمع
Bryan Adams
دماغ دماغ يعنى

لحظات من الخوف

لماذا دوما اقف حائرة امام عينيك, ولماذا يقف الكلام بداخلى فلا استطيع ان اقوله.

فى كل مرة اراك فيها, اقرر ان اخبرك بالحقيقة, ولكن لا استطيع ابدا ولا ادرى لما لا استطيع.

ان كنت اشعر بذلك الشئ فلما احبسه ولا أقوله, ومادمت اخاف منه فلما اتمناه واشتاق اليه.

احب ان يحدثنى العالم عنك, واخشى ان تحدثت انا ان يشكو فى امرى.

احب انا ان اطلق عليك حبيبى, لكنى لا احب ان يقول عنا الاخرون أحبا, ولا تسألنى لماذا؟؟

انى افضل ان احبك بينى وبين نفسى, واخاف إن خرج حبك من داخلى, ان يختفى و ينتهى, و يبعثره الزمان يمينا ويسارا كعادته فى كل اشيائى الجميلة.




هكذا دار الحوار بينها وبين نفسها, احتارت فى أمرها, فقررت ان تتحدث مع صديقه لها.

- المشكلة انى خايفه, خايفه احبه وخايفه انه يحبنى

• مادام انسان كويس, ومرتاحه معاه, وحاسه انه بيحبك, يبقى خايفه من ايه؟

- خايفه انه يظلمنى, ويبعد عنى ويسبنى فى نص المشوار

• ما فيش تجربة فى الدنيا بتتعمل ومضمون نجاحه, بس فى تجارب بتتعمل ومعمول لها عناصر نجاح.

- اصل انتى مش فاهمه, هو اصلا بيحب واحده تانيه, هو قالى كده فى مرة.

• قلتيلى بقى. بيحب واحده تانيه, وهى فين الواحده دى, انا مش شايفه غيرك جنبه ومعاه فى كل اوقاته.

- انا معاه فى شغله وفى حياته, لانى اقرب اصدقائه, لكن هى معاه فى قلبه ووجدان, لانها حبيبته.

• لو هو فعلا بيحب واحده تانيه, ماكنش هيقرب منك اوى كده ويكون كل حاجه فى حياتك وهو عارف انتى قد ايه من جواكى طيبه وحنينه. ماكنش هيبان عليه الحنيه اوى كده وهو بيكلمك, وماكنتش هشوف فرحه عنيه لما بتيجى عليكى.

- انا اللى بيعذبنى بس, انى بغير عليه, ده انا يمكن بغير عليه منى, من الهوا اللى طاير حواليه, يمكن حتى من رمش عنيه.

* بتكابرى فى ايه والله ما انا عارفه, خلاص قولنا بتحبيه, فهميه بقى, حسسيه بحبك ده, على الأقل افتحيله قلبك اللى كل ماهو يقرب منك تقفليه, كفايه خوف بقى. يا بنتى الحب بيشيل الخوف من جذوره, بس افتحى انتى قلبك وسيبيه.

بعد ما رجعت لنفسها, فكرت, هى صاحبتى صح ولا انا اللى صح, انا بخاف جدا , باخاف اقرب وهموت لو بعدت ... ده ايه اللخبطه اللى انا فيها دى. حلها من عندك انت بقى يارب, وطفيت النور ونامت, على أمل ان تُحل لوحدها بقى !!

قصة من تأليفى ومن نسج خيالى