من نكت الثورة (للتاريخ) .. متجدد

ظهرت فى الفتره القريبه دى شوية نكت .. طبعا لان الشعب المصري " ابن نكته" وما يقدرش يفوت مناسبه من غير ما يطلع عليها نكت

لكن انا شفت ان النكت بتاعت اليومين دول مش لازم تعدى بالساهل .. لانها هتتكتب فى التاريخ .. لان مصر بتكتب تاريخ جديد دلوقتى باديها

علشان كده قررت اعمل حاجه زى ارشيف كده لكل النكت اللى طلعت الفتره دى .. سواء المعارض للنظام او المؤيده ليه .. معارضه لمبارك او مؤيده ليه ...

انا هكتب اللى وصلتله .. واللى عنده حاجه يكتبها فى تعليق اول بأول .. وانا هرفعها على طول فى النوت ..

*-*-*-*-*-*-*-*-*-*-*-*-*-*-*-*-*

- رسالة من تلميذ مصري : إلى أعزائي المتظاهرين في ميدان التحرير .. بخصوص الثورة اللي شغالة عندكم متنسوش أنها هتدخل في مادة التاريخ واحنا اللي بنحفظ !! فاختصروا من فضلكم
============
- الراجل أبو دقن بيضا بتاع كنتاكي طلع إخوان .. وحلواني إخوان طلع كنتاكي
============
- New word added to dictionary: #Mubarak (v.): To stick something. Example: I will mubarak you to the wall
============
- أفلام جيل الثورة : أبي فوق الدبابة..عودة النت..المندس و الأجندة..الرصاصة المطاطية لا تزال في جيبي..في بيتنا بلطجية..لا أختنق و لكني أستغيث..رد نتي..ستاتس هزت عرش مصر..ليلة القبض على عز..عض بلدي ولا تعض نتي..جاءنا الرئيس التالي..نحن لا نرمي المولوتوف..مهمة في ميدان التحرير..الريس عمر سليمان..حرامية في شبرا..البحث عن دستور
============
- عاجل جدا .. الجراح العالمى مجدى يعقوب يصل الى مصر لعمل جراحة فصل للتوأم الملتصق مبارك والكرسى
============
- مبارك يهدي أغنيه للشعب المصري : أخاصمك آه .. أسيبك لا
============
- مؤكد : مبارك يأمر كل القنوات الفضائية أن تزيع أغنية هشام عباس : هتقولي امشي مش هامشي هتجيبلي حد يقولي امشى مبمشييش !!!!!
============
- عيل غلس انت عايز ايه يا حبيبى ؟*حسنى يمشى !*ليه كدة يا حبيبى *هوا كدة لازم يمشى *متستنى لانتخابات الجاية ؟*لا يمشى دلوقتى*طب ما البلد هتبوظ * مش مهم يمشى برضو*طب نتفاهم *لا بعد ما يمشى *انت غبى يا بنى ؟*ايوة بس يمشى ..طب يمشى يروح فين ؟!! معرفش بس يمشى ..طيب ينفع يجى تانى ؟..ايوة بس بعد ما يمشى "وهم يضحك .............."
============

- من أفلام الثورة
فى شارعنا لجنة شعبية
وأنزل يا ابن بلدى أحرص بيتك
...شباب الحراسة وستات البيوت
بلطجى لكل مواطن
البلطجى والمولوتوف
حبيبى بلطجى
أنا والشومة
الأس أم أس فيه سم قاتل
هييييييييه أنا معايا أجندة وأنت معاك إيه
أخويا مولوتوف وأنا كنتاكى
حبيبى أجندة 
============
- ابراهيم حسن : التراس اهلاوي هم الذين وراء مظاهرات 25 يناير و هم الذين دعوا للمظاهرة المليونية و هم الموجودين الآن في ميدان التحرير , لافساد مئوية الزمالك و الغاء الدوري بعد اقتراب الزمالك منه
============
- خطة الثورة: هنخض الريس هيبلم نخضه تاني هيطلع يقول كلام هنقوله سقف الطلبات علي هيبلم نخضه تالت هيطلع يقول كلام تاني هنقوله عاوزين ضمانات هيبلم هنقوله امشي هيغتت هيرخم هينفض...الشعب هيبلم..الريس هيتنح...الشباب هيستغرب..الجيش هيقفش..وتترك الثورة لتصبح الثورة بشكل دائري وبكده يكون الدائري التحم مع ميدان التحرير
============
- لو قلبنا الموضوع : والريس نزل ميدان التحرير واعد فيه لوحده...واللي بيتظاهروا اعدوا في القصر...بردو مش هنعرف نشتغل والحياة مش هتمشي علشان الامن هيوقف كل الطرق اللي بتؤدي للتحرير...وساعتها الريس هيقولهم مش همشي غير لما تروحوا ...وبكده يكون الريس هو سيد قراره...ودا كان حلي للمأزق السياسي بتاع الحاج مبارك :
============
- من احد الاسباب الخفية للثورة ما يلي: اعتاد الشباب المصري ان يخرج في شتاء كل عام ابتداء من 2005 في مسيرات بالعربيات او سيرا حاملين اعلام مصر ودا كان بسبب المنتخب الوطني في الفين وستة وبعدين الاهلي في 2007 في كاس العالم وبعدين مصر في 2008 وبعدين ماتش الجزئر في 2009 وبعدين كاس افريقيا في 2010...وفجأة حس الشباب انت الشتاء هيخلص من غير ميخرج فقرر الخروج علشان ميتقطعلوش عادة
============
- بعد إقصاء صفوت الشريف و جمال مبارك و زكريا عزمي وشهاب و هلال..الشعب يطالب مبارك بتطليق سوزان وإلا لن يغادر ميدان التحرير
============
- بلطجي لقناة العربية : العيال بيرموا علينا قنابل بلوتوث
============
- عاجل:الامطار تسقط علي سماء القاهره وهذا استطلاع للاراء من ميدان التحرير
 الاخوان: لاحوار مع نظام مبارك قبل توقف الامطار
البرادعي: النظام مسؤل مسؤليه تامه عن هطول الامطار فوق الميدان
حركه 6 ابريل: مبارك وعدنا بالسلامه وهاهي الامطار تغرقنا
............قناة الجزيره: وقد افادتنا الاخبار ان المسؤل عن هطول الامطار هم بلطجية الحزب الحاكم
واخيرا قناة المصرية: لاصحه مما تبثه القنوات العميله انه هناك سقوط للامطار فوق ميدان التحرير
============
- نقلا عن التلفزيون المصري: القبض علي
عناصر من سلاحف النينجا بقياده دوناتيلو في التحرير
============
- مكاسب الثورة المصرية: ١. اقالة الحكومة الأردنية ٢. رفع قانون الطوارئ في الجزائر ٣. اعلان الرئيس اليميني عدم ترشيح نفسه للرئاسة ٤. تعديل الدستور الصيني ٥. قمع الشعب السوري قبل ما يفكر يثور ٦. بقاء الرئيس المصري ولا كأن حاجة حصلت
============
- اوبـآمـآ بيقـول لـ مبـآرك : المفروض تعمـل خطـآب وداع للـشـعـب , مبـآرك قـآل لـ اوبـآمـآ : ليـه هـو الشعـب رايـح فين
============
- الكورة اثرت فيه اوي لدرجه انه عايز الشعب يطلعله كارت احمر بدل ما يقولوا ارحل
============
- يعني إيه كوك زيرو؟ يعني احنا نخلص امتحانات ... والشرطة هي اللي تاخد أجازة نص السنة

============
- لراغبي التميز بوكس شرطة موديل 2008 استعمال رائد جنوط سبور و دواخل فابريقة و سرينة 3 نغمات حالة ممتازه لأعلي سعر أو للبدل بسيارة أمن مركزي بشرط الحالة الجيدة
============
- يعنى ايه كوك زيرو: يبقى واحد مسطول واقف معه سجارة فى كمين و ويجى ظابط يروح مفتشه

============
- عقد الريس جلسة مع وزير الداخلية السابق حبيب العدلي قال له: منعت الحشيش يا فالح اهو الشعب فاء


*-*-*-*-*-*-*-*-*-*-*-*-*-*-*-*-*
وفى انتظار كل اضافتكم من النكت

تحياتى
دعـــاء جميل
 بتاريخ 5-2-2011
اخر تعديل 
7-2-2011