ما تفكرش فى أحزانك .. شوية

غصب عنك اول ما بتضايق او تزعل لاى سبب  بتفتكر شوية ذكريات .. وتلاقى لسان حالك بيقول ولا يوم من أيام زمان واللى فات كان احلى بكتيير من الحاضر ..

عارف حتى لو مش دى الحقيقة ولا كان الحاضر هو اللى احلى ولا حاجه ..لكن الماضى اللى عشته وعرفته وعاشرته بقى مألوف وعرفت راسه من رجله فمابقاش فيه منه خوف لانه حصل خلاص وانتهى ومش هيحصل فيه اكتر من اللى حصل خلاص ..

لكن الحاضر والمستقبل مع شوية مشاكل ومواجة المجهول اللى لسه مش عارفه بيخليك تخاف وتحن للى انت تعرفه .. اللى هو الماضى .. حلو او وحش بقى.

نفتكر الذكريات ونحن للماضى ولصورنا وللناس اللى عرفناها فى فتره من حياتنا ..

كل الرحلة دى بتحصلنا من وقت للتانى لما نضايق لاى سبب .. لما نعيش لحظة ضعف او انكسار أو وحدة ..

افضل حل توصلت له هو ان الواحد ما يعيش كتير جوا حالة الحزن دى اللى هتخليه يفضل يفتكر قصة حياته .. لأن اللى فات فات وعمره ما هيرجع ..

لكن الواحد يفكر ازاى يطلع من جوا خرم الحزن والضيق للدنيا البراح .. يفكر ازاى بدل ما يعيش مع الجرح ازاى يداويه ويعيش بعديه ..

ازاى تتحدى أحزانك مهما كبرت .. تتوكل على ربنا وتدوس فى الدنيا .. وتحول اى دمعه او ألم لدرس يقويك ..

ما تفتكرش ولو للحظة انه كلام انشاء ومقالات .. ولا ان الموضوع مستحيل يحصل .. ولا برضه بقولك انه سهل وبيحصل بضغطه زر .. لكنه فى الاول وفى الاخر ارادة واسلوب حياة بتفكر انت عايز تعيش حياتك ازاى .. بتختار وبتقرر وبتنفذ ورغم الصعوبات بتكمل ..

الاستسلام قد يبدو للوهله الاولى انه اسهل لانك مش بتعافر ولا بتتعب علشان حاجه .. لكن بعد كده بتكتشف ان الاستسلام خمول وان حياتك بقيت مش ملكك وكان حد تانى هو اللى بيحركها وبيحركك ..

لكن المقاومة .. مقاومة الاحزان والاوجاع واى حاجة وحشه قد تبدو فى الاول صعبه وتقيله .. لكن برضه مع مرور شوية وقت هتكتشف انك قوى وانك الشخص الوحيد اللى ليه الكلمة على حياته .. هتحس انك بطل حياتك والمتحكم فيها .. وهو احساس لو تعلم عظيم ..

قصة رومانسية

ان الامر لا يتعلق بشخص بعينه فهذا او هذا لا يوجد فرق بينهم .. ولا يوجد فرق عندها .. فى النهايه كلهم رجال .. وما يميز رجل عن آخر هى مجموعه من الصفات .. لكن فى النهايه تجمعهم صفات اكثر بكثير من تلك الى تفرقهم او تميزهم عن بعضهم.

وما تبحث عنه هى ليس مجرد رجل يتواجد فى حياتها لتصبح اجتماعيا شخصا لائقا .. فهذه النوعيه من الرجال التى تصلح للشكل الاجتماعى كثيره لكنها خارج اهتمامتها .. فما تبحث عنه هو رجل تحبه .. تعشقه .. تعيش معه احلامها الرومانسية الانثوية .. رجل تجد فى قوته أمان لضعفها وتستريح بوجوده .. رجل يحبها كما لم يحب اى رجل من قبل .. يتوجها ملكه على قلبه وحياته .. يدللها كابنته ويعظمها كمحبوبته ..

انه هذا هو نوع الرجال الذى تريده .. الذى يحميها من كل شيء ولا يمنعها عن اى شيء .. يتركها حره الاختيار اسيرة فى حبه .. الرجل الذى تجده حاضرا فى غيابه كما هو حاضر فى وجوده ..

انه الحب الذى تبحث عنه  من اجل الحب وليس الزواج والارتباط من اجل الزواج.

هذا النوع من الرومانسية الخيالية .. الرومانسية التى نحكيها للاطفال فى القصص .. عندما يتحدى الامير الصعاب ويصعد الجبال ويحارب التنين والساحرة الشريرة .. ويعبر خلال جبال النار وفوق المحيطات والبحار .. فقط من اجل حبيبته واميرته.

ان هذا هو الرجل الذى تبحث عنه لتقدم له حياتها.

فهنيئا لمن يفوز بقلبها .. ويحافظ عليه

أنا أدعم خالد على .. رقم 12 .. رمز الشجرة

خــــــــــــــــــالد عـــــــــــلـــى

رقم 12

رمز الشجرة

رئيسا لجمهورية مصر العربية .. 2012

اللهم وفقه الى ما تحب وترضى

من هو خالد علي

من هو خالد علي

نقلا من موقع حملة خالد على رئيسا لمصر 2012

http://khaledali.net/?page_id=40

________________________

نشأته

______________________

ولد خالد علي عمر في قرية ميت يعيش، التابعة لمركز ميت غمر بالدقهلية، في 26 فبراير 1972. وكان والده (رحمه الله) يعمل فى خفر السواحل ، خالد هو ثانى اﻻبناء بين خمس بنات وثلاث أولاد ، حصل ستة منهم على مؤهلات عالية

-

حصل خالد على الشهادتين الابتدائية واﻻعدادية من مدارس قريته، وحصل على الشهادة الثانوية من مدرسة جصفا وميت أبو خالد ,ثم التحق بكلية حقوق الزقا زيق عام 1990 وتخرج منها عام 1994، وكان يعمل دائما فى الإجازات مساعدة لاهله حتى قبل أن يلتحق بالجامعة. ، فعمل في أعمال مختلفة: عمل حمالا للأرز فى مضرب أرز، ثم فى مصنع للبسكويت، وطوال فترة الدراسة الجامعية ولمدة عام بعد تخرجه عمل فى مقهى بسفنكس ، ثم عمل لفترة قصيرة فى أحد مكاتب المحاماة فى ميت غمر متدرب بدون أجر.

______________________

بداية نضاله

______________________

شهد عام 1996 بداية مشوار خالد علي كمحامي مدافع عن حقوق الإنسان، وبالذات الحقوق الاقتصادية والاجتماعية، إذ ضمه المحامي أحمد سيف الإسلام عبد الفتاح إلى فريق العمل على ملف القضايا العمالية بمركز المساعدة القانونية – الذى أسسه المرحوم هشام مبارك عام 1995 ليقدم العون القانوني مجانا لمن يحتاجه فى قضايا حقوق الإنسان. وقد كون أحمد سيف الإسلام فريقا للعمل على ملف النقابات العمالية، حيث جرت عام 1996 انتخابات النقابات العمالية، وقد عرف المئات من العمال، الذين كان الاتحاد العام والأمن يعرقل ترشحهم، طريقهم إلى المركز الذي تبنى قضاياهم

-

فى عام1999 شارك خالد علي فى تأسيس مركز هشام مبارك للقانون وقد شغل منصب المدير التنفيذي للمركز فى الفترة من 2007 إلى 2009

-

شارك خالد علي فى تأسيس اللجنة التنسيقية للحقوق والحريات النقابية والعمالية (2001) التي ضمت قيادات عمالية من مواقع مختلفة وشاركت فى مواجهة انتهاكات انتخابات النقابات العمالية عام 2001 وعام 2006، وكانت الأحكام القضائية التى حصل عليها خالد علي بالتعاون مع اللجنة التنسيقية و مركز هشام مبارك ببطلان انتخابات الاتحاد العام للعمال 2006 من الأسس التي استند إليها قرار حل الاتحاد العام للعمال بعد الثورة

-

خالد علي عضو مؤسس فى جبهة الدفاع عن متظاهري مصر، التي شُكلت عام 2008 استعدادا لدعم انتفاضة المحلة و إضراب 6 أبريل، وصارت منذ ذلك التاريخ وحتى اليوم، من أهم أدوات الدفاع عن حقالتظاهر في مواجهة تعسف السلطة وعنفها. وقد حكى أحمد سيف أن أول من فكر فى تأسيس الجبهة كان خالد علي

-

شارك خالد علي في حملة “معا من أجل إطلاق الحريات النقابية” لوضع مشروع قانون ديمقراطي للنقابات العمالية ، والمشروع معروض الآن على مجلس الشعب بعد تجاهله من قبل البرلمانات السابقة على الثورة و المجلس العسكري

******************************

• في عام 2009 أسس خالد علي المركز المصري للحقوق الاقتصادية والاجتماعية وعمل مديرا له. وبدأ يجني ثمار جهده الطويل فى الدفاع عن حقوق المظلومين
• فحصل فى ديسمبر 2009 على حكم بإنهاء الحراسة القضائية على نقابة المهندسين
• وفى مارس 2010 حصل على حكم الحد الأدنى للأجور
• وفى مايو 2010 (بالتعاون مع جاسر عبد الرازق و«مؤسسة أميرة لشؤون اللاجئين») حصل على أول حكم قضائي يحظر على الحكومة المصرية ترحيل اللاجئين، استنادا للاتفاقيات الدولية
• كما حصل فى سنة 2010 على أول حكم بالحبس على رجل أعمال لإهدار حقوق العمال وربما كانت هذه أول مرة تتحول فيها قضية حقوق عمال إلى قضية جنائية
• هناك أيضا قضية أصحاب التأمينات والمعاشات التي ضمت لقضية أحمد حسن البرعي لحماية أموال التأمينات، وأحيلت إلى المحكمة الدستورية
• وقضية وقف قرار وزير الصحة بخصخصة مستشفيات التأمين الصحى
• وكان خالد علي كذلك محامي الأستاذ حمدي الفخراني فى قضية أرض مدينتي، وقضية ارض بالم هيلز

******************************

ولا يفوتنا هنا ست قضايا بارزة سيكون لها أكبر الأثر على الاقتصاد المصري وتجفيف منابع الفساد به، وهى القضايا التى رفعها العمال والنشطاء الاجتماعيين وكان خالد أبرز المدافعين فيها حيث حصل على أحكام محكمة القضاء الإداري ببطلان خصخصة

• شركات عمر أفندي
• طنطا للكتان
• غزل شبين
• المراجل البخارية
• النيل لحليج اﻻقطان
• العربية للتجارة الخارجية

لما شابها من فساد استفحل حتى وصل إلى سرقة آلاف المليارات وتشريد مئات الآلاف من العمال

******************************

كما قاد خالد فريق الدفاع فى المركز المصرى للحصول على أحكام :ا

• إحالة قانون الرسوم القضائية إلى المحكمة الدستورية وهو القانون الذى يلزم المواطن الذى يخسر القضية بدفع رسوم قضائية باهظة تجسد حالة من حالات العقاب التى تقف حائلا دون سلوك المواطنين طريق القضاء خوفا من خسارة القضية
• إحالة المادة 48 من قانون القضاء العسكري إلى المحكمة الدستورية العليا والتى تتيح محاكمة المدنيين أمام القضاء العسكرى دون أى قيود
• الحصول على حكم قضائى يلزم الحكومة المصرية بصرف معاش شهرى لمصابى الثورة
• وحكمين بأحقية الناشط علاء سيف وكل المحبوسين احتياطيا فى التصويت فى الانتخابات العامة

بالإضافة لقضايا العمال كان خالد حاضرا في المستشفى القبطي وقت أحداث ماسبيرو ضمن عدد من الحقوقيين الذين ضغطوا من أجل إصدار تقارير طبية، وشهادات وفاة، تكفل لأهالي الشهداءالحصولعلى حقوقهم

******************************

وأعد خالد ثلاث مشاريع قوانين قدمها للنواب فى البرلمان هى قانون وقف التصالح على فساد نظام مبارك، مشروع قانون للحريات النقابية ومشروع قانون للحد اﻻقصى للأجور وربطه بالحد اﻻدنى للأجور .

-

كما دعى العمال والفلاحين للمشاركة فى كتابة الدستور وتم تأسيس حملة العمال و الفلاحين يكتبون الدستور.

-

كل هذه المسيرة الحافلة أهلته لنيل جائزة المحارب المصري ضد الفساد لعام 2011 والتي تمنحها حركة مصريين ضد الفساد. هذا وقد تبرع خالد بقيمة الجائزة لمجموعة لا للمحاكمات العسكرية للمدنيين.

كما تم اختياره فى 2011 كأول محام عضوا بالمجلس اﻻستشارى للعمل

______________________

حياته الشخصيه

______________________

خالد علي متزوج من السيدة/ نجلاء هاشم منذ سنة 2002 وعنده ولد وبنت، عمر (8 سنوات) وأمينة (5 سنوات)ا.

-

رحلة البحث عن الحب

اه محتاجه انى اسمع واحد بيقولى كلمة بحبك .. نفسي اسمعها وهى طالعه من قلبه .. وهو حاسسها ومتاكد منه .. نفسي تحبنى وتفكر كويس قوى وما تلاقيش اى حاجة ممكن تخليك تبطلةفى يوم تحبنى او تشكك فى حبك نفسي اقعد جنب راجل ويكون من حقى امسك ايده وانام على كتفه .. ويكون من حقى انه يمسح دمعتى من على خدى بايده .. نفسي اكون مع راجل اشم ريحته واحس بدفا جسمه .. ودفا قلبه .. ودفا مشاعره نفس تحبنى وتحسسنى انى اجمل ست فى الدنيا وحتى لو ما كنتش فعلا اجمل واحده لكن حبك ليا بيخليك تشوفنى احلى واحده نفسي الاقى انسان أحبه ويكون فعلا يستاهل انى احبه .. انسان ابقى معاه مبسوطه وانا بديله عمرى .. انسان تبقى التضحية باى حاجه علشانه هى قمة سعادتى .. ويكون تقديره لتعبى هى عادته نفسي الاقى انسان طيب .. جريء .. حنين .. جدع .. طموح .. جميل فى كل حاجه .. نفسي الاقى راااجل بجد راجل يعرف يتعامل مع الست على انها ست بجد .. راجل يقدرنى .. والمهم انه يحبنى ايووووه انا نفسي الاقى حب بجد .. واحد يتعب علشان يوصلنى .. يشلنى فوق راسه ويقدرنى ويعتبرنى كنزه واغلى شيء بيملكه نفسي أقلك بحبك وانا خدودى محمره من الكسوف وانت تمسك ايدي تضمها وتبوسها بشفايفك وتقولى مش أكتر منى عايزه انسان نادر وجوده فا الزمن ده .. انسان اديله عينى وعمرى وقلبى وكل الدنيا بحالها .. انسان احبه وأقوى بحبه ياااارب .. يكون النوع دع لسه ما خلصش

شريط حياتى

شريط حياتى بيمر فجأة قدام عيني وبفتكر حاجات غريبة حصلتلى فى يوم من الأيام . مش الغريب الاحداث نفسها الغريب هو انى بفتكر تفاصيل صغيرة قووى يمكن فى وقتها كانتش بالنسبة لى كبير وكانت مش مهمه ويمكن كمان فى وقت ما كانت بتحصل ما كنتش بركز فيها وما اخدتش بالى منها .. لكن وانا بفتكرها بفتكرها بالتفصيل وكانى بتفرج عليها دلوقتى قدامى فى شاشة سينما بالصوت والصورة الطبيعيين.

مش تفاصيل الطفولة ولا تفاصيل المراهقه .. دى تفاصيل حياتى بالكامل .. مواقف صغيره لكن كان ليها دور كبير فى حياتى .. مواقف آثرت فى شخصيتى فى طريقة تفكيرى النهاردة وفى الطريقة اللى بقيت بشوف بيها الدنيا.

مش مهم احكى واقول ايه اللى افتكرته .. لانها كلها تفاصيل خاصة وشخصية .. لكن مهم ان كل انسان يعيش الحالة دى من وقت للتانى .. هتبررله حاجات كتير قوى فى تصرفاته .. وهتعرفه دايما انه انسان مر بتجارب وعاش حياة طويلة مليانة تفاصيل .. وهتفكره بان حياته كان ليه قيمة ما كانتش فاضية ولا مالهاش لازمة زى ما احيانا بيخطر على بال الواحد مننا من وقت للتانى.

الحالة دى بتعيشنى فى حالة من الشجن والسعادة فى نفس الوقت .. وبمر بلحظات كتيره من الحنين .. واجمل ما فيها لما كل مره بقوم اقوى من الاول وكانها جرعه منشطة بتقوينى على الحياة.

الحالة دى بتحسسنى ان فيه حاجات جميلة مرت فى حياتى  .. علشان لما امر بلحظات حزن او اكتئاب افتكر انى زمان فى يوم من الايام مريت باكتر من اللى انا فيه وفى كل مرة كانت بتتحل وتتفك من عند ربنا .

وبعيش الحنين

وبتتحقق كل يوم أغنية هشام عباس ..  زمان .. بتتحقق وبيتأكدلى قد ايه هى صح وحقيقة قوووى.

زمان وانا صغير كنت بحلم ابقى كبير

تعب القلب واتحير م الدنيا وم المشاوير

والحلم كان بريء مفروش بالورود

والقلب كان جريء مليان بالوعود

ولما كبرت قلت ياريت ما كنت حلمت ولا اتمنيت

قلت يارتنى فضلت صغير زى زمان

ادينا كبرنا وكبرت مسئوليتنا وزادت الدنيا فى تعقيدها اكتر من الاول وبقت الخطوة اللى بنمشيها لقدام مستحيل نرجعها تانى لورا، واليوم اللى بنعيشه لازم نفكر فيه الف مره قبل ما نعمل فيه اى شيء لاننا كبرنا خلاص وبقت تصرفاتنا محسوبة علينا كويس قوى، وفى اوقات كتير مش محسوبة علينا لوحدنا لكن فيه ناس بتبقى ارتبطت بينا والخطوة اللى هناخدها هتاثر على ناس تانية معانا.

حالة من الحنين للماضى لأيام جميلة كان الواحد فيها عارف هو عايز ايه وبيعمل ايه بالظبط، عارف بكره فيه ايه او متوقع منه ايه بالظبط .. أيام كانت فيها هموما بالنسبة لسننا كبيرة بس مهما كانت نسبة المخاطرة فيها كانت قليلة .. ونسبة الضحك والتطنيش كبيرة .. ايام كنا بنعيش فيها اليوم بيومه .

حنين لألبوم صورى .. مراحل عمرى اللى فاتت .. ومع كل صوره بحس انى كبرت اكتر .. بحس ان فيه ايام كتير فاتت .. مش عارفه افرح انهم كانوا ايام حلوة ولا أزعل انهم كانوا أيام حلوة وخلصت .. 

أكيد مرت فيهم أيام مرة .. ودموع ووجع وشوية آهات .. بس الأكيد ان كل ذكرى مؤلمة سابت معاها وهى بتحفر الوجع درس وعبره معلمين لحد النهاردة .. والغلطة اللى غلطتها زمان استحالة أرجع وأعملها تانى.

أكيد كل دروس الأيام اللى فاتت خلتنى النهاردة أقوى وقادرة أقف على رجلى بثقة  .. بس ولأن الدنيا بتجرى بسرعه قوى ومحتاجة نفس طويل قووى بيجي وقت الواحد يحس فيه انه تعب ومحتاج يرتاح شوية .. والراحة بتبقى فى الإحساس بالأمان .. والمستقبل لانه مجهول دايما بيصيب الانسان بخوف اكبر .. لكن الماضى ولانه معلوم وعشناه خلاص مش هنخاف منه .. هنطمن واحنا بنفتكره ونعيشه مره تانية فى خيالنا.

حنين .. حنين لطفولتى .. حنين لضحكتى بتاعت زمان .. حنين للمة مع اصحابى وخروجنا بعد الكلية نلف بدون هدف ..

حنين لشقاوة الأطفال فى لعبى مع اولاد خالتى واحنا صغيرين .. حنين للبحر وريحته وصوته وشكله ولونه.

حنين للغرق وسط كتبى اللى بعدت عنها .. حنين لزنقة ايام الامتحانات وانا مش ملاحقة اخلص ايه ولا ايه.

حنين لايام كنت بتمنى فيها أخلص الكلية واكبر بقى .. حنين لأحلامى البريئة الصغيره اللى كنت بخاف عليها.

حنين لأيام المدرسة والصحيان بدرى قوى كل يوم .. ودعواتى انى اكبر بقى علشان ما اصحاش بدرى

حنين لحياة عشتها على مدار 22 سنة وشوية شهور ..